«Змены ў Беларусі могуць адбыцца вельмі хутка»

Ёсць вельмі шмат пагроз для Лукашэнкі.

Пра гэта ў (інтэрв’юhttps://charter97.org/ru/news/2025/10/9/658610/) Charter97.org заявіў каардынатар грамадзянскай кампаніі «Еўрапейская Беларусь» і адзін з заснавальнікаў руху супраціву «Зубр» Яўген Афнагель, каментуючы пратэсты ў 2020 годзе:

— Для мяне было дзіўна лічыць, што 2020 год увогуле стаў для кагосьці нечаканасцю. Тыя, хто так казалі на працягу пяці гадоў і працягваюць казаць цяпер, проста, напэўна, не ведаюць наш народ.

Бо ўсё было зразумела ўжо пасля масавых пратэстаў супраць дэкрэта аб «дармаедах», пасля святкавання стагоддзя БНР, пасля перазахавання парэшткаў Кастуся Каліноўскага і ягоных паплечнікаў, парламенцкай кампаніі, акцый у абарону незалежнасці напрыканцы 2019 года.

Прагнозы пра тое, што адбудзецца ў Беларусі з-за фальсіфікацыі прэзідэнцкіх выбараў, рабілі многія палітыкі. Пра гэта казалі Мікалай Статкевіч, Андрэй Саннікаў, Уладзімір Някляеў, Дзмітрый Бандарэнка, Наталля Радзіна, Павел Севярынец, Генадзь Фядыніч, Андрэй Шарэнда. Пра гэта казалі шмат блогераў і журналістаў. Пра гэта казалі беларусы — і ўжо не толькі на кухнях.

Урэшце, пра гэта казаў і сам дыктатар. Трэба было тады быць сляпым або глухім, каб лічыць, што ў 2020 годзе нічога не адбудзецца.

Што да прагнозаў на будучыню, мне пакуль складана іх рабіць. На жаль, я так і не змог убачыць Беларусь знутры. Я не раблю высноваў толькі паводле таго, што чуў, знаходзячыся ў турме, паводле ўражанняў тых, хто застаўся ў краіне, і, у апошнюю чаргу, паводле каментароў і пастоў у сацсетках. Трэба ўлічваць, што ў Беларусі працягваюцца жудасныя рэпрэсіі, і большасць людзей проста не можа адкрыта выказваць сваё меркаванне.

Але гэта не азначае, што яго няма. Тыя, хто выходзіў на пратэсты ў 2020 годзе, іх сваякі, сябры — нікуды не зніклі. Наўрад ці яны змянілі свае погляды — прычын ненавідзець дыктатара стала значна больш.

Упэўнены, усе гэтыя людзі па-ранейшаму хочуць змен у краіне. 2020 год, спадзяюся, навучыў нас усіх таму, што трэба быць моцнымі, трэба дзейнічаць больш рашуча і арганізавана. Трэба перастаць разлічваць на тое, што рэжым будзе гуляць паводле нейкіх правілаў, выконваць закон.

Змены могуць адбыцца вельмі хутка. Занадта шмат пагроз для рэжыму, фактараў нестабільнасці. Каталізатарам можа стаць што заўгодна — павышэнне цэн, нявыплата заробку, праблемы ў Расіі.

Вайна ва Украіне — ключавы фактар, які ўплывае на ўвесь наш рэгіён. Яна можа і ўжо пачынае распаўсюджвацца на суседнія краіны ЕС, але калі Захад праявіць цвёрдасць і сілу, то для Расіі яна стане тым самым, чым у свой час стала афганская вайна для Савецкага Саюза. Перамога Украіны азначае калапс усёй пуцінскай сістэмы, а, магчыма, нават распад Расіі.

Вядома, Беларусь у гэтай схеме займае ключавое месца. 2020 год вельмі яскрава прадэманстраваў усяму свету, усім, хто яшчэ сумняваўся ў гэтым, чаго мы хочам. Шмат беларусаў цяпер ваюе ва Украіне, падтрымлівае Украіну тымі ці іншымі спосабамі.

Знаходзячыся ў турме, мы гэта разумелі, спрабавалі па крохтах інфармацыі, абрыўках навін зразумець, што адбываецца на фронце, проста маліліся за тых, хто абараняе Украіну. Мы ведалі, што лёс Беларусі вырашаецца на палях Данбаса.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com