Люксембург інвеставаў у біткойн для будучых пакаленняў
3- 9.10.2025, 18:22
- 2,216
Краіна стала першай у Эўразоне, якая ўклала сродкі ў крыптавалюту.
Міжпакаленчы суверэнны фонд дабрабыту Люксембурга (Fonds souverain intergénérationnel du Luxembourg, FSIL) інвеставаў 1% сваіх актываў у біткойн, паведамляе CoinDesk. Пра гэта паведаміў міністр фінансаў Люксембурга Жіль Рот падчас прэзентацыі бюджэту на 2026 год у Палаце дэпутатаў.
Адзначаецца, што такім чынам Люксембург стаў першай дзяржавай у Эўразоне, якая ўклала сродкі ў біткойн. Фінляндыя таксама валодае біткойнамі, але гэтыя актывы атрыманыя ў выніку канфіскацый.
Каб пазбегнуць аперацыйных рызык, інвестыцыі ў біткойн ажыццяўляюцца праз шэраг спотавых біржавых фондаў (ETF), расказаў журналістам кіраўнік аддзела па сувязях з грамадскасцю Люксембургскага фінансавага агенцтва Джонатан Уэстхэд. Паводле яго слоў, гэтыя інвестыцыі — прызнанне росту сталасці класа крыптавалютных актываў.
«Хтосьці можа запярэчыць, што мы занадта позна ўключаемся ў гэта; іншыя ўкажуць на валатыльнасць і спекулятыўны характар інвестыцый. Тым не менш, улічваючы спецыфіку і місію FSIL, праўленне фонду прыйшло да высновы, што доля ў 1% забяспечвае правільны баланс і адначасова дае ясны сігнал пра доўгатэрміновы патэнцыял біткойна. Відавочна, што тое, што падыходзіць FSIL, можа не падыходзіць іншым інвестарам», — сказаў Уэстхэд.
FSIL быў створаны ў 2014 годзе з мэтай фарміравання рэзерву, які можа быць накіраваны на «спрыянне дабрабыту будучых пакаленняў». У агульнай складанасці актывы фонду складаюць, паводле інфармацыі журналістаў, $730 млн. Большая частка з іх укладзена ў аблігацыі і акцыі, з 2025 года FSIL мае права інвеставаць 1% у крыптавалюту.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
