ЕС папракнуў Таджыкістан, які не арыштаваў Пуціна

Таджыкістан з'яўляецца членам Міжнароднага крымінальнага суда.

Еўрапейскі Саюз заявіў, што Таджыкістан не выконвае свае абавязацельствы як дзяржава — удзельніца Рымскага статута Міжнароднага крымінальнага суда, адмаўляючыся арыштаваць Уладзіміра Пуціна.

Пра гэта гаворыцца ў заяве Еўрапейскай службы знешніх дзеянняў.

У ЕС нагадалі, што гаспадар Крамля цяпер знаходзіцца ў Таджыкістане, нягледзячы на выдадзены Міжнародным крымінальным судам ордэр на яго арышт.

«Таджыкістан з'яўляецца дзяржавай-удзельніцай Рымскага статута МКС і не выканаў свае абавязацельствы паводле Статута ў частцы выканання ордэра на арышт», — дадалі там.

Еўрасаюз выказаў «рашучую падтрымку» намаганням па прыцягненні да адказнасці за ўсе злачынствы паводле міжнароднага права.

«У гэтым кантэксце ЕС працягвае падтрымліваць расследаванне, якое праводзіць пракурор МКС ва Украіне, і заклікае ўсе дзяржавы да супрацоўніцтва. ЕС пацвярджае сваю непахісную падтрымку МКС і незалежнасці, суверэнітэту і тэрытарыяльнай цэласнасці Украіны ў межах яе міжнародна прызнаных граніц», — падсумавалі ў заяве.

У Таджыкістане, які з 2002 года з'яўляецца членам Міжнароднага крымінальнага суда, Пуцін бярэ ўдзел у саміце Расія — Цэнтральная Азія і пасяджэнні Садружнасці Незалежных Дзяржаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com