ЗСУ атакавалі нафтабазу «Гвардзейская» ў Крыме
1- 2,692
Гэта ўжо трэці ўдар па лагістычным аб’екце акупантаў.
Сілы спецыяльных аперацый трэці раз за месяц ударылі па нафтабазе «Гвардзейская» ў Крыме
У ноч на 10 лістапада падраздзяленні Сіл спецыяльных аперацый (ССО) нанеслі паспяховы ўдар па нафтабазе «Гвардзейская», што ў пасёлку Гвардзейскае Сімферопальскага раёна часова акупаванага Крыму.
Як паведамілі ССО ў Telegram, беспілотнікі трапілі ў насосную станцыю на тэрыторыі нафтабазы. Гэта ўжо трэці паспяховы ўдар па аб’екце Сіламі спецыяльных аперацый менш чым за месяц.
Вайскоўцы патлумачылі, што нафтабаза «Гвардзейская» з’яўляецца важным элементам паліўна-лагістычнай сістэмы акупацыйных уладаў у Крыме, бо яна адыгрывае ролю ў забеспячэнні ваенных аб’ектаў і транспарту варожай арміі.
«Сілы спецыяльных аперацый працягваюць асіметрычныя дзеянні з мэтай татальнага пазбаўлення праціўніка здольнасці працягваць наступальныя дзеянні», — гаворыцца ў паведамленні.