Лукашэнка пагражае ЗША ядзернай зброяй

Дыктатар заявіў, што трымае ядзерную зброю «у надзейным месцы».

Дыктатар Беларусі Аляксандр Лукашэнка на нарадзе з урадам заявіў, што рэжым папярэдзіў ЗША пра наяўнасць ядзернай зброі на сваёй тэрыторыі, аднак амерыканцы сумняваюцца ў гэтым. Яго прэс-служба прыводзіць словы ўзурпатара.

«Дагэтуль амерыканцы заяўляюць, што яны не ведаюць, ці ёсць у нас [ядзерная] зброя, ці няма. Ну і добра, няхай яны так думаюць. Мы іх папярэдзілі. Мы не кажам, колькі, дзе, як... Гэта мая справа. Яна ляжыць у надзейным месцы», — заявіў Лукашэнка.

Па яго словах, з краіны аднойчы ядзерныя зарады ўжо вывозілі ў Расію на мадэрнізацыю і вярнулі «самы сучасны варыянт». А комплекс «Арэшнік» у снежні паступіць на баявое дзяжурства. Дыктатар адзначыў, што гэта мабільны комплекс, і ён ніколі не будзе знаходзіцца ў адным месцы.

«Падрабязнасцяў раскрываць мы не будзем. Гэта мабільны комплекс, ён ніколі не будзе знаходзіцца ў адным месцы. Ён будзе баражаваць па пэўных кропках і з пэўнай кропкі [зможа пры неабходнасці] нанесці ўдар», — сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com