У Дэлі каля метро прагрымеў магутны выбух

Шмат ахвяр і пацярпелых.

У індыйскай сталіцы Дэлі вечарам 10 лістапада выбухнуў аўтамабіль каля папулярнага помніка Чырвоны форт, побач з метро. Загінулі амаль дзесяць чалавек.

Пра гэта паведамляе Reuters.

Інцыдэнт адбыўся ў шчыльна населеным старым квартале горада, які ахоўваецца асабліва старанна. Загінулі прынамсі восем чалавек, каля 20 атрымалі раненні ў выніку выбуху.

«Аўтамабіль, што павольна рухаўся, спыніўся на чырвонае святло. У ім адбыўся выбух, пацярпелі таксама суседнія машыны», — паведаміў камісар паліцыі Дэлі Сатыш Голча.

Па ягоных звестках, выбух адбыўся незадоўга да 19:00 па мясцовым часе. Пацярпелі таксама не менш як шэсць аўтамабіляў і тры аўтарыкшы (трохколавы транспартны сродак — рэд.). Мясцовасць была ачэплена, на месцы працавалі паліцэйскія і эксперты-крыміналісты.

Паліцыя затрымала ўладальніка аўтамабіля

Прадстаўнікі паліцыі затрымалі папярэдняга ўладальніка аўтамабіля, вядомага толькі як Салман. Расследаванне інцыдэнту вядзецца па ўсіх напрамках, заявіў міністр унутраных спраў Індыі Аміт Шах.

Прэм’ер-міністр Нарэндра Мадзі выказаў спачуванні сем’ям загінулых і пажадаў хутчэйшага выздараўлення пацярпелым. Пасольства ЗША ў Дэлі папярэдзіла грамадзян пра неабходнасць пазбягаць скупчэнняў людзей каля Чырвонага форта і ў турыстычных месцах.

Чырвоны форт — помнік эпохі Вялікіх Маголаў XVII стагоддзя, папулярны сярод турыстаў. Reuters нагадвае, што ў мінулым Дэлі ўжо станавіўся аб’ектам тэрактаў: у 1980–1990-х гадах і ў 2011 годзе ў індыйскай сталіцы адбыліся выбухі, адказнасць за якія ўскладалася на ісламісцкіх баевікоў і сепаратыстаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com