Чацвёрты дзень пошукаў: што вядома пра зніклага хлопчыка

Выяўлены новыя сляды дзіцяці.

З суботы ў Бярэзінскім раёне працягваюцца пошукі 14-гадовага Максіма Зяньковіча. У той дзень ён паехаў на ровары ў невядомым напрамку. У хлопчыка ёсць асаблівасці развіцця, што ўскладняе пошукі. «Онлайнер» даведаўся, што вядома праз трое сутак бесперапыннага прачэсвання мясцовасці.

Як расказаў кіраўнік пошукава-выратавальнага атрада «Ангел» Сяргей Коўган, паводле папярэдняй інфармацыі выяўлены новыя сляды хлопчыка і ровара. На месца выкліканы эксперты-крыміналісты, якія будуць вызначаць іх прыналежнасць. На 10:30 раніцы 11 лістапада пошукі працягваюцца.

Таксама журналісты звязаліся з пошукавым штабам, які знаходзіцца ў вёсцы Карбоўскае. Там ім патлумачылі, што пошукі дзіцяці ішлі ўсю ноч. Увечары панядзелка сабралася асабліва шмат валанцёраў.

У першай палове дня ў аўторак у працы задзейнічаны пошукавікі з атрадаў «Ангел», «Сімуран» і «Фенікс». На месцы таксама сабралася каля 80 добраахвотнікаў. Што да прадстаўнікоў ведамстваў — міліцыі, выратавальнікаў, вайскоўцаў і леснікоў, — іх каля 250 чалавек. Таксама працягваюць прыбываць валанцёры на эндуро і квадрацыклах.

Нагадаем, што ў краіне была абвешчана аперацыя «Чырвоны шчыт», для правядзення якой з’язджаюцца спецыялісты, валанцёры і добраахвотнікі з усёй краіны. Звычайна падставай для такога масавага збору становіцца знікненне дзяцей у прыродным асяроддзі, асабліва калі ў дзіцяці ёсць сур’ёзныя захворванні.

Як праходзяць пошукі?

Добраахвотнікаў размеркоўваюць па групах. У кожнай з іх абавязкова павінна быць некалькі дасведчаных пошукавікаў. Уся каманда становіцца ў шарэнгу на адлегласці выцягнутых рук адзін ад аднаго і стараецца рухацца ў адным тэмпе. Зона адказнасці кожнага — каля 1,5—2 метраў вакол сябе. Трэба звяртаць увагу на ўсе сляды і «непрыродныя» прадметы. Самі пошукавікі называюць іх артэфактамі. Невядома, што магло быць у зніклага ў кішэнях, таму важная кожная драбніца — яна можа навесці на след.

Даволі часта даводзіцца спыняцца, каб пачакаць тых, хто адстае, і падправіць кірунак руху. Так нават невялікі квадрат, напрыклад, 500 на 500 метраў, група можа дбайна прачэсваць 5–6 гадзін. А калі ў цёмны час сутак, то яшчэ больш.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com