Што не так у заяве Лукашэнкі пра карупцыю

Дыктатар крытыкуе сістэму, якую сам і пабудаваў.

Пры адкрыцці пасля рэканструкцыі аўтамабільнага моста праз Прыпяць у Мазыры Лукашэнка дэманстратыўна звярнуўся да групы сваіх чыноўнікаў, сярод якіх быў і старшыня Гомельскага аблвыканкама Іван Крупко, і абвінаваціў іх у карупцыі, піша «Флагшток».

Дыктатар прылюдна, у сваім стылі, «разнёс» чыноўнікаў, у асноўным тых, хто адказвае за будаўніцтва дарог:

— Крадуюць. І гэтыя таксама крадуць. Вось мы зараз выявілі — Камітэт дзяржаўнага кантролю цяпер працуе. Што робяць? У нас ёсць прыватныя прадпрыемствы, у якіх ёсць тэхніка. Асфальтаўкладчыкі, каткі, пагрузчыкі, экскаватары. Вашы начальнікі арандуюць гэтую тэхніку. А навошта? У тры–пяць разоў даражэй. Адразу насцярожвае (…)

Ты чаго гэтую тэхніку арандуеш, у пяць разоў даражэй плаціш? Ды ты, пабудаваўшы гэты мост, мог бы зарабіць грошы і купіць асфальтаўкладчык або каток, экскаватар або пагрузчык. Ты не зрабіў. Чаму? Гатуйцеся.

Крыніца, набліжаная да сферы дарожнага будаўніцтва, распавяла Флагштоку пра сутнасць праблем — чым незадаволены Лукашэнка.

Паводле суразмоўцы, тэхніка дзяржаўных дарожна-будаўнічых прадпрыемстваў часта знаходзіцца ў «дабітым» стане, акрамя таго, адчуваецца дэфіцыт кадраў: не стае кіроўцаў і іншых спецыялістаў:

— Таму зручней браць у арэнду ў прыватніка тэхніку з экіпажам. Але гэта не ўплывае на выніковую суму — каштарыс застаецца тым самым. То бок для дзяржбюджэту няма розніцы: ці дзяржаўнае ДРСУ сваім катком асфальт укатала, ці ў прыватніка яго ўзяло — паводле каштарысу ўсё адно аднолькавую цану заплацяць».

Акрамя таго, дзяржаўныя прадпрыемствы маюць сур'ёзную праблему са свабоднай працоўнай тэхнікай — яе бракуе, таму не застаецца выбару, акрамя як браць тэхніку ў арэнду ў прыватных кампаній.

Асабліва гэта датычыцца выпадкаў, калі трэба «героічна» ўвесці аб'ект да прызначанай даты, і тады адначасова на гэтым аб'екце павінна працаваць вялікая колькасць тэхнікі. А столькі тэхнікі ў прадпрыемства няма, частка тэхнікі занятая на іншым аб'екце, таму даводзіцца арандаваць дадатковую.

— Шкоды дзяржаве ніякай — прадпрыемства можа прыцягнуць староннюю тэхніку сабе на страту, але не дзяржбюджэту, — падкрэслівае суразмоўца.

Такім чынам, выходзіць, што крытыка Лукашэнкі накіраваная ўвогуле на выбудаваную ім жа сістэму кіравання, а паказныя абвінавачванні ў карупцыі з'яўляюцца толькі папулісцкім крокам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com