«Чалавек, спусціся з нябёс»
23- 11.11.2025, 12:45
- 10,496
У беларусаў узніклі пытанні да фермера, які прарэкламаваў свой тавар.
Беларускі фермер Саша Антоненка перыядычна шакуе «касмічнымі» цэнамі карыстальнікаў TikTok, дзе рэкламуе сваю прадукцыю. На гэты раз ён паказаў грудзінку па 70 рублёў за кілаграм — не ўсе зразумелі, адкуль такая цана.
Фермер распавёў, што прыгатаваў сыракопчаную вырэзку, грудзінку і паляндвіцу са свініны — усё «толькі-толькі з капцільні». У прыватнасці, кіло грудзінкі абыдзецца ў 70 рублёў.
— М-м, пах абалдзенны, — пахваліў аўтар відэа ўласную прадукцыю.
Паводле яго слоў, мяса гатуецца тыдзень: «Пакуль засолка, пакуль капчэнне, пакуль адляжзіцца».
— Натуральны прадукт. Без усялякіх «ешак», «жэшак», — запэўнівае мужчына.
@antonenko_ferma.1 Па суботах Валяр'янава, Лагойская 5а, да 15 ч#рэкамендацыі #тыкток #фермер #Мінск #Беларусь ♬ арыгінальны гук — antonenko_ferma.1
У каментарыях многія назвалі цану завышанай — нехта лічыць, што прадавец «здурэў». Ёсць пытанні і да якасці грудзінкі. Аднак некаторыя абараняюць фермера:
«Чалавек, спусціся з нябёс. Твае цэны — проста космас, за такі цэннік на грудзінку вы яе самі есці будзеце».
«Пакуль знаходзяцца людзі, якія купляюць за такія цэны, яна будзе толькі расці, да Новага года будзе 100».
«Яе цана — 30 рублёў максімум».
«Прыгожа, але дорага, і сярэдзіна сырая».
«У нас увогуле прынята абясцэньваць чужую працу. Не падабаецца цана — не бяры. Сілай жа не прымушаюць. Зрабі сам і прадавай па цане, у якую ацэньваеш сваю працу, ніхто не супраць. Калі дзіўны «Чорны квадрат» за мільёны прадаюць, лічаць гэта мастацтвам, усе ў захапленні, і дыскусіі пра цэны не да месца. А простага фермера можна і зачмурыць. Яму ж усё проста так дасталося. Яшчэ раз паўтаруся: не падабаецца цана — зрабі сам або ідзі ў краму, там вараная з сасіскамі ёсць».
«Ды за такія грошы можна тры дні паўнавартасна харчавацца і каўбасу есці нядрэнную».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
