У Германіі арыштавалі стваральніка даркнэт-платформы для «забойства палітыкаў»

Падазраваны размяшчаў на сайце «смяротныя прысуды».

У нямецкім Дортмундзе арыштавалі 49-гадовага мужчыну, якога падазраюць у стварэнні платформы ў даркнэце, дзе за ўзнагароду ў крыптавалюце прапаноўвалася здзяйсняць забойствы палітыкаў, паведамляе ABC.

У пастанове аб арышце адзначана, што прынамсі з чэрвеня 2025 года Мартын С., які мае нямецка-польскае падвойнае грамадзянства, нібыта вёў у даркнэце ананімную платформу. Там ён публікаваў спісы імёнаў апанентаў і заклікаў да нападаў на палітыкаў і дзяржаўных службоўцаў, піша Tagesschau. Акрамя таго, Мартын С. уваходзіў у рух «Грамадзяне Рэйха».

Паводле звестак пракуратуры, падазраваны размяшчаў на сайце «смяротныя прысуды», а таксама інструкцыі па вырабе выбуховых прылад. Пляцоўка, назва якой перакладаецца як «забойства палітыка», была закрытая Федэральным упраўленнем крымінальнай паліцыі (BKA).

«Грамадзяне Рэйха» — рух нямецкіх рэвізіяністаў, заснаваны Вольфгангам Герхардам у 1985 годзе. Прыхільнікі руху адмаўляюць існаванне сучаснай Германіі як дзяржавы, не прызнаюць яе законаў і ўрада. Яны лічаць, што Веймарская канстытуцыя 1919 года і дагэтуль мае юрыдычную сілу, гэтак жа, як і межы Германіі ў перыяд Другога Рэйха — Германскай імперыі часоў кіравання Гогенцолернаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com