Тры дакладныя ўдары: уражаны ключавы вытворца паліэтылену ў Расіі

(Абноўлена) Прадпрыемства палае.

Уначы 12 лістапада ўдарныя беспілотнікі атакавалі хімічнае прадпрыемства «Ставролен», размешчанае ў горадзе Будзёнаўск Стаўрапальскага краю РФ.

Па заводзе тройчы прыцэльна ўдарылі дроны, паведаміў тэлеграм-канал «Supernova+».

«Будзёнаўск, атакованы ООО «Ставролен». Працягвае гарыць ... не менш за тры дакладныя траплянні», — гаворыцца ў паведамленні.

Таксама ў сеціве апублікавалі фота, на якім бачна зарыва ад пажару на ООО «Ставролен».

У той жа час губернатар Стаўрапальскага краю Уладзімір Уладзіміраў заявіў, што расійская СПА адбіла атаку ўкраінскіх беспілотнікаў над Будзёнаўскам.

«Ад абломкаў збітых БПЛА на тэрыторыі прамысловай зоны «Будзёнаўская» адбылося ўзгаранне. Пажарныя разлікі і экстраныя службы працуюць на месцы. Паводле аператыўных даных, пацярпелых няма, жылыя дамы не пашкоджаны, сістэмы жыццезабеспячэння працуюць у штатным рэжыме», — напісаў Уладзіміраў.

На момант публікацыі матэрыялу ўкраінскі бок не каментаваў атакі дронаў па Стаўрапальскім краі і ўдар па ООО «Ставролен».

Паводле паведамленняў украінскіх СМІ, якія спасылаюцца на мясцовых жыхароў, «прыляты» прыйшліся на нафтахімічнае прадпрыемства «Ставролен», якое ўваходзіць у структуру «Лукойла». Завод, як паведамляла выданне «Эксперт Юг», з’яўляецца адным з асноўных вытворцаў паліэтылену і паліпрапілену ў Расіі. Ён таксама займаў трэцяе месца ў рэйтынгу «100 найбуйнейшых кампаній СКФА па аб’ёме рэалізаванай прадукцыі ў 2021 годзе». Паводле ацэнак, «Ставролен» выпускае каля 340 тысяч тон этылену, 319 тысяч тон паліэтылену і 113 тысяч тон паліпрапілену ў год, якія выкарыстоўваюцца ў вытворчасці труб, плёнак, ізаляцыі кабеля і лакафарбавых матэрыялаў. «Крымскі вецер» адзначае, што завод працуе «ў інтарэсах расійскага ВПК». Прадпрыемства трапіла пад удар украінскіх дронаў ужо другі раз за два тыдні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com