Украіна атрымае ад ЕС транш у памеры 6 млрд еўра

Ужо заўтра.

У чацвер, 13 лістапада, Украіна чакае чарговы транш ад Еўрапейскага саюза ў памеры 6 млрд еўра.

Пра гэта паведамляе РБК-Украіна са спасылкай на заяву старшыні Камітэта Вярхоўнай Рады па пытаннях бюджэту Раксоланы Підласы.

Дэпутат распавяла пра вынікі перамоваў з дэлегацыяй EC FIN (дырэктарат Еўракамісіі, які займаецца ERA loans і «рэпарацыйным крэдытам»).

«З добрых навін — чакаем, што наступны транш прамой бюджэтнай дапамогі паступіць паводле плану, прыблізна ў чацвер. Ідзе гаворка пра 4,1 млрд еўра ў межах ERA loans і 1,9 млрд еўра ў межах Ukraine Facility», — гаворыцца ў заяве.

Підласа адзначыла, што дзякуючы паступленню траншу рызыкаў з фінансаваннем ваенных і сацыяльна-гуманітарных выдаткаў няма.

«Што да “рэпарацыйнага крэдыту” — праца працягваецца, але патрэбнае палітычнае рашэнне Еўрасавета», — дадала яна.

Дэпутат адзначыла, што Украіне спатрэбіцца новая дапамога ад Еўрасаюза ўжо напрыканцы I квартала 2026 года. Перш за ўсё, падкрэсліла Підласа, для фінансавання невайсковых выдаткаў.

Паводле яе слоў, абмеркаванне надання «рэпарацыйнага крэдыту» ў Бруселі будзе суправаджацца ўмовамі пра працяг і ўзмацненне рэформаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com