Прынята рашэнне аб будаўніцтве трэцяга блока на БелАЭС

Па выніках «нарады» ў Лукашэнкі.

На БелАЭС будзе пабудаваны дадатковы, трэці блок. Такое рашэнне прынята па выніках нарады ў Аляксандра Лукашэнкі аб выніках працы БелАЭС, павелічэнні электраспажывання і прапановах аб будаўніцтве новых атамных магутнасцей. Пра гэта рашэнне паведаміў віцэ-прэм’ер Віктар Каранкевіч, піша БелТА.

«Па выніках нарады прынята рашэнне аб развіцці Астравецкай атамнай электрастанцыі, рэалізацыі другой чаргі — будаўніцтва трэцяга энергаблока, — сказаў ён. — І паралельна будзе арганізаваная праца па даследаванні пляцовак на тэрыторыі Магілёўскай вобласці. Гэта дадатковыя вышукванні будуць праводзіцца (на тэму таго. — Заўв. рэд.), дзе магчыма ў далейшым ва ўмовах росту электраспажывання (калі спатрэбіцца далейшае задавальненне росту электраспажывання за кошт атамнай энергетыкі) развіццё атамнай энергетыкі і менавіта ў Магілёўскім рэгіёне».

Абодва працэсы — будаўніцтва трэцяга энергаблока на БелАЭС і даследаванне пляцоўкі ў Магілёўскай вобласці — будуць ісці паралельна, патлумачыў віцэ-прэм’ер. «Але рашэнне наконт другой чаргі БелАЭС — вось цяпер, так, мы гэтым будзем займацца», — удакладніў Віктар Каранкевіч.

Што тычыцца магчымага ў будучыні будаўніцтва яшчэ адной атамнай электрастанцыі ў Беларусі, ён патлумачыў: «Надалей рашэнне, якое неабходна будзе разглядаць па далейшым развіцці атамнай энергетыкі, будзе звязана і з ростам электраспажывання».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com