«Крэмль плануе тэракты, каб нешта схаваць»

Аналіз эксперта-міжнародніка.

Расія рыхтуе серыю тэрактаў як ва Украіне, так і ў сябе – СБУ нядаўна прадухіліла падрывы ў кіеўскім метро і ТРЦ. Адначасова Крэмль прыдумвае фэйкавыя «украінскія тэракты» супраць святароў у Расіі.

Журналіст, эксперт-міжнароднік Аляксандр Дземчэнка растлумачыў «24 Каналу», што мэта Крамля – дэмаралізаваць украінскае грамадства і расхістаць сітуацыю знутры, прымусіўшы Украіну «здацца», а ўнутры Расіі – напалохаць насельніцтва для новай хвалі мабілізацыі.

Расійскія агенты збіраліся закласці выбухоўку ў мабільныя тэлефоны для дыстанцыйнага падрыву ў гадзіну пік. Арганізатарам аказаўся жыхар часова акупаванага Крыму, які пасля захопу паўвострава пачаў актыўна супрацоўнічаць з ФСБ.

- Я лічу, што гэта маштабная кампанія супраць Украіны, і гэта не адзінкавы выпадак. Цяпер многія засяроджаныя на ўнутраных праблемах: адключэнні святла, карупцыйныя скандалы, Пакроўскі напрамак. Але расіяне карыстаюцца менавіта гэтай сітуацыяй, каб потым сказаць, што гэта ўнутраныя ўкраінскія канфлікты, – падкрэсліў Дземчэнка.

Расійскія спецслужбы распаўсюджвалі выдумкі, у прыватнасці пра план украінскай разведкі разам з брытанцамі выкрасьці МіГ-31 і ўдарыць «Кінжалам» па базе НАТА ў Румыніі.

Як фэйк пра духоўніка Пуціна ўплывае на перамовы з Трампам?

Таксама ФСБ прасоўвае новы фэйк пра сарваны замах на Ціхона Шэўкунова, духоўніка Пуціна, каб разыграць унутрыцаркоўны сцэнар: або прыбраць патрыярха Кірыла, які ўжо не задавальняе Крэмль, або паўплываць на Пуціна наконт змены курсу – у прыватнасці спынення вайны ці наладжвання адносін з Захадам.

- Ціхон Шэўкуноў яшчэ з 1990-х гадоў наладжваў адносіны з ЗША. Ён такі ж супрацоўнік спецслужбаў, як і Пуцін. Шэўкуноў хрысціў дачку прэзідэнта «Раснафты» Ігара Сечына, з'яўляецца асабістым давераным Ратэнберга. Без яго не абыходзіцца нават старэйшая дачка Пуціна Марыя Варанцова, – растлумачыў Дземчэнка.

Шэўкуноў – чалавек, якога пастаянна слухае памочнік Пуціна Уладзімір Мядзінскі, і адначасова ён – галоўны святар ФСБ. Гэты нібыта замах патрэбны, каб сарваць перамовы Пуціна з Трампам. Але Трамп нават не ведае пра Шэўкунова.

Таксама ў пятніцу паведамілі, што нібыта ў Башкартастане затрымалі дыверсантаў, якія на грошы Украіны рыхтавалі падрывы і тэракты.

- Цэлая серыя актыўнасцяў з боку ФСБ – гэта падрыхтоўка да тэрактаў як у Расіі, так і ва Украіне. Ва Украіне мэта – дэмаралізаваць грамадства на фоне скандалаў, адключэнняў святла і сітуацыі на фронце. У Расіі – абурыць насельніцтва, каб апраўдаць новую хвалю мабілізацыі, – растлумачыў Дземчэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com