У Расіі паніка: чакаюць падрыву Крымскага моста

Пад падазрэннем усе электрамабілі.

У Расіі забаранілі праезд электрамабіляў праз Крымскі мост. Як патлумачыў прадстаўнік Вайскова-марскіх сіл ЗСУ Дзмітрый Плетэнчук, гэта звязана з мерамі бяспекі.

У эфіры «Еспресо» Плетэнчук адзначыў, што цяпер Крымскі мост для расіян мае больш сімвалічнае, чым практычнае значэнне. Пры гэтым, хоць у цэлым расіяне могуць заязджаць па ім у Крым, але праезд электрамабіляў забаронены.

«Галоўнай прычынай такога рашэння з'яўляецца страх. Бо яны баяцца, што ў батарэях электрамабіля можна схаваць вялікую колькасць выбухоўкі. Батарэя сама па сабе цяжкая і вялікая, таму складана знайсці ў ёй выбухоўку», — патлумачыў ён.

Плетэнчук адзначыў, што ходзяць чуткі, нібыта грузавікі, цягнікі з гаручым і цяжкім узбраеннем таксама ўжо не прапускаюць праз Крымскі мост.

«Гэта складанае гідратэхнічнае збудаванне, і яно сапраўды мае высокі каэфіцыент трываласці, і прамымі пашкоджаннямі яго цяжка разбурыць. І выкарыстоўваць дэфіцытныя боепрыпасы, якія можна значна больш эфектыўна прымяніць, нялогічна», — дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com