«У ЖЭС мне сказалі, што прыбіраць нічога не будуць»

Беларус патрабуе прыбраць звалку з цацак каля пад’езда, але астатнім жыхарам так падабаецца.

Жыхар шматпавярхоўкі ў Гомелі апынуўся ў даволі дзіўнай сітуацыі: прама каля пад’езда разраслася цэлая інсталяцыя з дзіцячых цацак. Ён лічыць, што тэрыторыя ператварылася ў сапраўдную звалку, але ў ЖЭС толькі разводзяць рукамі: іншыя жыхары не супраць такога добраўпарадкавання, паведамляе Onliner.

Як распавёў журналістам мужчына, ля ўваходу ў будынак утварыўся сапраўдны заапарк: дзясяткі плюшавых львоў, мядзведзяў, конікаў суседнічаюць з пластыкавымі домікамі для лялек, машынкамі, пасудай. Частка мяккіх цацак прыбіта цвікамі да дрэў, частка проста стаіць на зямлі. Многія ўжо старыя, выцвелыя або паламаныя.

Мужчына называе гэтае месца звалкай і баіцца, што калі нічога не змяняць, то канструкцыя будзе толькі разрастацца.

— Я звяртаўся ў службу 115 — заяўку перадалі мясцоваму ЖЭС. Камунальнікі правялі апытанне сярод жыхароў — ніхто не супраць такога добраўпарадкавання (гэта пацвярджае і апытальны ліст — у ім падпісаліся 22 чалавекі). Так што ў ЖЭС мне сказалі, што прыбіраць нічога будуць. Скардзіўся я і ў санстанцыю, але там таксама нічога не могуць зрабіць: маўляў, гэта не бытавое смецце, а проста цацкі.

Журналісты папрасілі юрыста пракаментаваць, наколькі падобныя «упрыгажэнні» наогул законныя.

Спецыяліст патлумачыў, што Правілы карыстання жылымі памяшканнямі, утрымання жылых і дапаможных памяшканняў, зацверджаныя пастановай Савета Міністраў Рэспублікі Беларусь ад 21.05.2013 № 399, адназначна забараняюць загрувашчваць калідоры, праходы і любыя дапаможныя памяшканні. У двары жыхарам, вядома, не забаронена праяўляць ініцыятыву, але ёсць важныя ўмовы:

творчасць не павінна перашкаджаць іншым жыхарам;

не павінна псаваць знешні выгляд тэрыторыі;

і самае галоўнае — не павінна парушаць патрабаванні пажарнай бяспекі і санітарных нормаў.

Калі з’яўляецца незадаволены сусед (у дадзеным выпадку ён ёсць), то ЖЭС абавязаны адрэагаваць: пагутарыць з жыхарамі, скласці акт, а пры неабходнасці — прыбраць і ўтылізаваць усё лішняе.

Калі ж камунальныя службы не прымаюць мер, чалавек мае права ісці далей — у выканкам або ў суд, падкрэсліў юрыст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com