Польшча адкрывае адразу два пункты пропуску на мяжы з Беларуссю
3- 16.11.2025, 20:21
- 11,642
Перайсці польска-беларускую мяжу цяпер будзе прасцей.
Паміж краінамі пасля некалькіх гадоў прастою адкрываюцца два пункты пропуску.
Ідзе гаворка пра пераходы «Баброўнікі» (з беларускага боку — «Бераставіца») і «Кузніца» («Брузгі»).
Чакаецца, што ў «Брузгах» мяжу можна будзе перасякаць толькі лёгкавым транспартам. «Бераставіца» ж стане даступнай для ўсіх відаў транспарту, у тым ліку для аўтобусаў і вялікагрузаў.
Сітуацыя на беларуска-польскай мяжы за некалькі гадзін да адкрыцця двух КПП. Відэа: ГПК pic.twitter.com/g5qr8r2ND4
— Фото/Видео (@FotoVid81878667) November 16, 2025
Абодва пункты пропуску пачнуць функцыянаваць роўна апоўначы паводле польскага часу.
У Беларусі ў гэты момант будзе ўжо 02:00 17 лістапада.
Што цяпер адбываецца на мяжы?
Увечары 16 лістапада, як і абяцала беларуская старана, пачалася рэгістрацыя ў сістэме электроннай чаргі.
Адкрыта і зона чакання.
Як паведамляе карэспандэнт Tochka.by, які працуе на пункце пропуску «Бераставіца», першыя аўтобусы і аўтамабілі ўжо прыбылі сюды загадзя і чакаюць «часу ікс».
Тым часам беларускія спецыялісты гатовыя прыступіць да прапуску фізасобаў і транспартных сродкаў, паведамілі ў Дзяржпагранкамітэце.
Закрыццё мяжы Польшай
Больш за два з паловай года дзейнымі заставаліся толькі пункты пропуску «Цярэспаль» («Брэст») для лёгкавых аўтамабіляў і «Кукуракі» («Казловічы») — для грузавых.
Памежны пераход «Баброўнікі» быў закрыты польскімі ўладамі 10 лютага 2023 года, а «Кузніца» не функцыянавала і ўвогуле больш за чатыры гады.
Раней праз гэтыя пункты пропуску штогод праязджалі каля 2 млн падарожнікаў і звыш 4 млн транспартных сродкаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
