Мазырскі змагар з карупцыяй папаўся на хабару

Чыноўнік браў грошы за заключэнне дамоваў.

У Гомельскім абласным судзе па артыкуле аб атрыманні хабару асудзілі начальніка аддзела знешнеэканамічнай дзейнасці і збыту прадпрыемства «Мазырсоль» Уладзіслава Трухановіча, піша выданне «Флагшток». На прадпрыемстве ён уваходзіў у склад антыкарупцыйнай камісіі.

Згодна з матэрыяламі справы, Трухановіч з красавіка 2021 года па красавік 2025 года «прыняў для сябе ад абвінавачанай Ф., генеральнага дырэктара ТАА «БПК», у якасці хабару грашовыя сродкі на агульную суму не менш як 1 090 000 расійскіх рублёў і 3 500 долараў ЗША». Грошы, як сцвярджаецца, былі перададзеныя за гарантыю заключэння з ТАА «БПК» дамоваў на пастаўку прадукцыі ААТ «Мазырсоль» і належнае выкананне дагаворных абавязацельстваў.

Гендырэктар ТАА «БПК» поўнасцю прызнала віну, Трухановіч не аспрэчваў сам факт атрымання грошай, але аспрэчваў памер сумы і прычыну, з якой былі перададзеныя грошы.

У выніку менеджара «Мазырсолі» прыгаварылі да 7 гадоў калоніі, гендырэктара ТАА «БПК» — да 5 гадоў. Абодвум у межах амністыі тэрмін скарацілі на 1 год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com