Мінскі планетарый зачынілі на рамонт

У ім з’явіцца новы паваротны зорны купал.

Калі вы планавалі ўладкаваць рамантычнае спатканне або паказаць дзеткам зорны свет у знакамітым Мінскім планетарыі, давядзецца пачакаць. Вайбавае месца для аматараў незвычайнага дазвілля зачынілі на рамонт. Абнавіць дамок цыліндрычнай формы абяцаюць хутка. Падрабязнасці паведамляе тэлеграм-канал «Минскстрой».

Будынак абсерваторыі Мінскага планетарыя ў парку Горкага даволі стары — пабудаваны ў 1967 годзе. Ягоная вышыня — 12 метраў, дыяметр — 5,5 метра. На верхні ўзровень, дзе знаходзіўся ўнікальны тэлескоп фірмы Carl Zeiss 1950/130, вядзе вітая лесвіца.

Мадэрнізацыяй аб’екта займаюцца будаўнікі трэста №35 (генпадрадчык СУ-199).

На пачатковым этапе будаўнікі будуць дэмантаваць усё састарэлае і аджыўшае. На час рамонту нават пераехаў тэлескоп, засталася толькі станіна ад яго. Канструкцыі будынка адновяць, змантуюць новыя вітражныя сістэмы, пракладуць сеткі электразабеспячэння, выканаюць аздабленне і добраўпарадкаванне.

Што новенькага пабачаць мінчукі пасля завяршэння рэканструкцыі? У будынка з’явіцца новы купал з паваротам на 360° са спецыяльнымі створкамі. Кожная калона будзе з падсветкай.

Адкрыць абноўлены зорны дамок абяцаюць ужо праз тры месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com