Мінскае метро паказала новыя цягнікі

Яны выраблены ў Расіі.

Мінская падземка паказала новыя вагоны і саставы, якія зрабілі ў Расіі і ўжо адправілі ў Беларусь. Два цягнікі мадэлі «Мінск-2024», вырабленыя на заводзе «Метравагонмаш», павінны трапіць у электрадэпо ТЧ-2 «Магілёўскае» для фінальнай падрыхтоўкі, піша Telegraf.news.

Усяго ж у межах дагавора, падпісанага ў лютым 2025 года, Мінскі метрапалітэн чакае 20 новых вагонаў.

Новыя цягнікі, як і тыя, што ўжо былі пастаўлены ў Мінск, абсталяваныя зарадкамі для мабільных прылад і маюць скразныя пераходы паміж вагонамі.

У галоўных вагонах прадугледжаны спецыяльныя месцы для маламабільных пасажыраў. А дызайн цягнікоў, натуральна, выкананы ў фірменных колерах Мінскага метрапалітэна.

У Мінскім метрапалітэне настаюць на тым, што хоць самі вагоны вырабляюць у Расіі, у іх канструкцыі выкарыстоўваюцца камплектуючыя з беларускіх прадпрыемстваў:

гасіцелі ваганняў;

элементы асвятлення салона і кабіны машыніста;

шклоачышчальнікі;

а таксама бартавая сістэма бяспекі руху.

Новыя саставы прызначаныя для мадэрнізацыі парку Аўтазаводскай лініі (другая па ўзросце ў Мінску).

Нагадаем, раней мінчукі раскрытыкавалі вагоны расійскай вытворчасці. У народзе іх празвалі «душыгуўкамі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com