Літва незадаволеная планамі Беларусі пабудаваць яшчэ адзін энергаблок на Астравецкай АЭС

Вільнюс заявіў пра «сур'ёзныя праблемы».

Дарадца прэзідэнта Літвы Дэйвідас Матулёніс заявіў, што намер Беларусі пабудаваць трэці энергаблок на Беларускай АЭС у Астраўцы каля мяжы з Літвой створыць яшчэ больш сур'ёзную праблему.

Заяву дарадцы цытуе LRT.

Матулёніс нагадаў, што літоўскі бок раней быў незадаволены планамі Беларусі пабудаваць першы і другі энергаблокі АЭС.

«А трэці энергаблок — гэта ў нас будзе яшчэ больш сур'ёзная праблема. Паглядзім, як тут рэагаваць, але на сённяшні дзень, здаецца, ёсць рашэнне, што плануецца будаваць. Нам давядзецца абмеркаваць гэтае пытанне больш падрабязна», — дадаў ён.

Дзяржаўнае агенцтва БелТА 14 лістапада паведаміла пра планы Беларусі пабудаваць трэці энергаблок на атамнай электрастанцыі ў Астраўцы.

Электрастанцыя ў горадзе Астравец на захадзе Гродзенскай вобласці знаходзіцца ў 15 км ад мяжы з Літвой і падвяргалася крытыцы з-за праблем з бяспекай, перш за ўсё з боку суседніх краін і міжнародных арганізацый.

Першы энергаблок запусцілі ў 2020 годзе, другі быў падключаны да беларускай энергасістэмы ў 2023 годзе. Станцыю будавала расійская дзяржаўная кампанія «Росатом», праект фінансаваўся Масквой.

Яшчэ ў 2017 годзе літоўскі Сейм заканадаўча замацаваў, што Беларуская АЭС з'яўляецца небяспечнай і ўяўляе пагрозу для нацыянальнай бяспекі, навакольнага асяроддзя і здароўя людзей. Тры краіны Балтыі ўрэшце дамовіліся байкатаваць электраэнергію з БелАЭС, калі яны яшчэ не былі адключаныя ад энергасістэмы Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com