Высокапастаўленая дэлегацыя Пентагона накіроўваецца ў Кіеў

У надзеі аднавіць перамовы з РФ.

Прэзідэнт ЗША Дональд Трамп накіраваў у Кіеў высокапастаўленую дэлегацыю Міністэрства вайны. Мэта — аднавіць перамовы з РФ аб спыненні вайны.

Пра гэта паведамляе The Wall Street Journal.

Як піша выданне са спасылкай на высокапастаўленых чыноўнікаў ЗША, такі крок з’яўляецца апошняй спробай адміністрацыі Трампа аднавіць перамовы па спыненні вайны ва Украіне.

Хто паедзе ў Кіеў?

WSJ адзначае, што міністр Арміі ЗША Дэн Дрыскол разам з двума чатырохзоркавымі генераламі мелі правесці перамовы з прэзідэнтам Уладзімірам Зяленскім і іншымі украінскімі чыноўнікамі, а таксама высокапастаўленымі чыноўнікамі і прадстаўнікамі прамысловасці.

Таксама вядома, што Дрыскол плануе сустрэцца і з расійскімі чыноўнікамі, але пазней.

«Рашэнне Белага дома звярнуцца да Дрыскола і высокапастаўленых чыноўнікаў часткова абумоўлена перакананнем, што Масква можа быць больш адкрытай да перамоваў пры ваенным пасярэдніцтве, а таксама расчараваннем у сувязі з тым, што шматлікія папярэднія спробы мала што далі», — піша выданне.

Высокапастаўлены чыноўнік адміністрацыі Трампа заявіў, што міністр Дрыскол едзе ва Украіну, каб азнаёміцца з фактамі на месцах. Мяркуецца, што ён будзе ўдзельнічаць у сустрэчах і дакладваць пра свае высновы Беламу дому.

«Прэзідэнт ясна даў зразумець, што прыйшоў час спыніць забойствы і заключыць пагадненне аб спыненні вайны», — паведаміў неназваны амерыканскі чыноўнік.

Місія Дрыскола заключаецца ў аднаўленні мірных перамоў ад імя Трампа, — сказаў іншы чыноўнік.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com