Беспілотнікі атакавалі найбуйнейшы стратэгічны НПЗ у Краснадарскім краі РФ

Завод забяспечвае палівам расійскую армію ва Украіне.

У ноч на 19 лістапада беспілотнікі зноў атакавалі Ільскі НПЗ у Краснадарскім краі Расіі, які забяспечвае палівам расійскую акупацыйную армію ва Украіне. Пра гэта паведамілі расійскія Telegram-каналы.

Відэа публікуе Telegram-канал Exilenova+.

Паводле даных Telegram-каналаў, атака беспілотнікаў на стратэгічныя і вайсковыя аб’екты ў Краснадарскім краі пачалася адразу пасля поўначы. Да 02:30 у гэтым рэгіёне прагучала вялікая колькасць выбухаў.

Мясцовыя ўлады закрылі аэрапорты Краснадара і Геленджыка. Заяўляецца, што пад атаку трапіў Ільскі нафтаперапрацоўчы завод.

Раней ЗСУ ўжо некалькі разоў атакавалі Ільскі НПЗ, бо ён забяспечвае палівам і гаруча-змазачнымі матэрыяламі армію РФ. Гэта прадпрыемства размешчана ў пасёлку гарадскога тыпу Ільскі Северскага раёна, прыкладна ў 50 кіламетрах ад Краснадара.

На заводзе дзейнічае шэсць установак па перапрацоўцы нафты. Яго вытворчыя магутнасці — перапрацоўка каля 6,6 млн нафты ў год.

ЗСУ нанеслі ўдар па Ільскім НПЗ таксама ў ноч на 7 верасня бягучага года. Гэтую інфармацыю пацвердзілі Сілы спецыяльных аперацый ЗСУ. Была знішчана ўстаноўка «ЕЛОУ-AT-6», якая праводзіць абязводжванне і абяссаліванне нафты, а потым яе перагонку на фракцыі для атрымання бензіну, дызельнага паліва і г. д.

Перад гэтым Ільскі нафтаперапрацоўчы завод украінскія БПЛА «наведалі» ў ноч на 1 верасня. Жыхары пгт. Ільскі чулі некалькі выбухаў у раёне нафтаперапрацоўчага завода, пасля ў Сеціве паказалі відэа пажараў на тэрыторыі прадпрыемства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com