У Беларусі хочуць карміць школьнікаў аналагам рыбы

Гэта распрацоўка беларускіх навукоўцаў.

Беларускія школьнікі хутка змогуць паспрабаваць мяса-раслінны камбінаваны прадукт, які паводле сваіх нутрыентных уласцівасцяў адпавядае рыбе, паведаміла на прэс-канферэнцыі намесніца генеральнага дырэктара навукова-практычнага цэнтра НАН Беларусі па харчаванні Наталля Камарава. Распрацоўка такой ежы для дзяцей звязаная з тым, што некаторыя школьнікі не ядуць рыбу.

«Гэта мяса-раслінны камбінаваны прадукт, які паводле сваіх нутрыентных уласцівасцяў (па складзе амінакіслот, тлустых кіслот, мінеральных рэчываў і вітамінаў) цалкам адпавядае рыбе», — расказала Камарава.

Па яе словах, распрацаваць такі «замяняльнік рыбы» беларускім навукоўцам даручылі з-за таго, што ў школах дзеці адмаўляюцца есці рыбныя стравы.

«Паступалі скаргі на тое, што дзеці, напрыклад, у школьных сталовых адмаўляюцца ўжываць рыбу з-за яе спецыфічнага смаку і водару. Таму перад намі была пастаўленая задача распрацаваць прадукт, які цалкам па сваіх пажыўных уласцівасцях будзе адпавядаць рыбе, але пры гэтым без спецыфічнага смаку і водару», — паведаміла спецыялістка.

Фундаментальную распрацоўку асаблівага аналага рыбнай прадукцыі беларускія навукоўцы плануюць завершыць ужо ў гэтым годзе. Цяпер працы знаходзяцца на завяршальнай стадыі.

Распрацоўнікам яшчэ трэба вызначыцца, у якім выглядзе новы прадукт можа з'явіцца ў сталовых беларускіх школ. У якасці магчымых варыянтаў пакуль разглядаюць тэфтэлі, катлеты або каўбаскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com