У Вялікабрытаніі назвалі колькасць зняволеных, выпушчаных па памылцы

Лічба ўражвае.

Больш за 100 зняволеных штогод памылкова выпускаюцца з турмаў у Вялікабрытаніі. Пра гэта заявіла парламенцкая намесніца дзяржаўнага сакратара ў Міністэрстве юстыцыі Алекс Дэвіс-Джонс у эфіры Times Radio.

Яна ўдакладніла, што гаворка ідзе пра турмы Англіі і Уэльса. Усяго ў гэтых рэгіёнах штогод на волю выходзяць 57 тысяч чалавек, каля 114 (0,2%) з іх — па памылцы.

Дэвіс-Джонс падкрэсліла, што такія інцыдэнты недапушчальныя, але патлумачыла іх крытычным станам турэмнай сістэмы. Паводле слоў чыноўніцы, у брытанскіх турмах мала месцаў для зняволеных, нестае персаналу і выкарыстоўваецца састарэлая папяровая сістэма ўліку. Гэтую праблему складана вырашыць у найкарацейшыя тэрміны, але неўзабаве ўрад пачне рэформы па мадэрнізацыі сістэмы, запэўніла прадстаўніца Мін'юста.

Дэвіс-Джонс таксама рэзка раскрытыкавала ўрады папярэдніх прэм’ер-міністраў Вялікабрытаніі за недастатковае фінансаванне і недахоп новых турэмных месцаў, назваўшы гэтыя ўмовы спадчынай 14 гадоў заняпаду. Яна дадала, што ў каралеўстве ўзрасла колькасць дэпартацый замежных правапарушальнікаў, іх у тым ліку дэпартуюць адразу пасля вынясення прысуду.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com