У Польшчы наступаюць доўгія выходныя
- 7.11.2025, 14:03
- 4,324
Беларусам на нататку.
З 8 па 11 лістапада ў Польшчы доўгія выходныя. 11 лістапада, у аўторак, краіна святкуе Дзень незалежнасці. А 10 лістапада, у панядзелак, многія возьмуць выходны ў залік Дня ўсіх святых, які выпаў на суботу, 1 лістапада, піша Most .
Усе дзяржаўныя органы, уключаючы мясцовыя адміністрацыі, падатковыя інспекцыі і сацстрах, будуць зачыненыя 10 і 11 лістапада. Адпаведную пастанову падпісаў прэм'ер-міністр.
А вось у гандлі пераносу дзён не будзе. Крамы (акрамя тых, што адкрытыя ў нягандлёвыя нядзелі) будуць зачыненыя толькі 9 і 11 лістапада, а 8-га і 10-га будуць працаваць.