Навукоўцы раскрылі таямніцу высокага інтэлекту

Падрабязнасці.

Людзі з больш высокімі здольнасцямі да разваг лепш фарміруюць унутраныя мапы, што адлюстроўваюць узаемнае размяшчэнне прадметаў у прасторы. Да такой высновы прыйшлі нейрабіёлагі з Інстытута кагнітыўных і мазгавых навук імя Макса Планка. Праца апублікаваная ў часопісе Cell Reports (CR).

Навукоўцы даказалі, што ключавая асаблівасць інтэлекту можа быць звязаная з тым, як мозг кадуе адносіны паміж рознымі элементамі досведу — асабліва з працай гіпакампа, вобласці, якая адказвае за памяць і арыентацыю ў прасторы.

Даследчыкі вывучалі, як удзельнікі запамінаюць размяшчэнне прадметаў у віртуальнай прасторы. Пасля серыі практыкаванняў добраахвотнікі маглі амаль без памылак аднаўляць, дзе знаходзіўся кожны аб’ект. Пры гэтым з дапамогай функцыянальнай МРТ навукоўцы фіксавалі актыўнасць гіпакампа і выявілі заканамернасць:

чым вышэй быў узровень «флюіднага інтэлекту» (здольнасці вырашаць новыя задачы і знаходзіць заканамернасці), тым мацней мозг удзельнікаў уяўляў адлегласці паміж прадметамі — нібыта фармуючы ментальную мапу.

Гэта сувязь захоўвалася нават пасля ўліку памяці і дакладнасці выканання задання. Іншымі словамі, разумовыя здольнасці вызначаліся не столькі колькасцю запомненай інфармацыі, колькі тым, як мозг структуруе сувязі паміж элементамі досведу.

«Нашыя даныя паказваюць, што інтэлект можа залежаць ад здольнасці чалавека інтэграваць разрозненыя звесткі ў адзіную кагнітыўную структуру, якая дапамагае гнутка мысліць і прымаць рашэнні», — адзначылі аўтары працы Рэбека Тэндэрра і Сцяфані Тэвес.

На думку даследчыкаў, гіпакамп адыгрывае не толькі ролю архіва памяці, але і цэнтра, які арганізуе веды ў структураваныя схемы. Такая здольнасць дазваляе чалавеку хутчэй адаптавацца, вырашаць новыя задачы і рабіць высновы з няпоўных даных.

Навукоўцы плануюць праверыць, ці распаўсюджваецца гэты эфект на іншыя віды сувязяў — не толькі прасторавыя, але і лагічныя або паняційныя, — а таксама як падобныя механізмы развіваюцца з узростам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com