Хвалебныя прамовы кіраўнікоў Казахстана і Узбекістана ў адрас Трампа выклікалі істэрыку ў Расіі

Z-прапагандысты раздражнёныя дыстанцыяваннем краін СНД ад Крамля.

Хвалебныя прамовы кіраўнікоў Казахстана і Узбекістана Касым-Жамарта Такаева і Шаўката Мірзіёева ў адрас прэзідэнта ЗША Дональда Трампа — атракцыён ліпкай ліслівасці. Такую рэакцыю выступы кіраўнікоў краін СНД у Белым доме выклікалі ў расійскага «вайсковага карэспандэнта» Аляксандра Коца, сваім меркаваннем прапагандыст падзяліўся ў Telegram.

Як паведамлялася раней, падчас сустрэчы з Трампам Такаеў па-англійску заявіў, што амерыканскі лідар з’яўляецца вялікім дзяржаўным дзеячом, пасланым зверху, каб вярнуць здаровы сэнс у палітыку ЗША. Ён таксама выказаў упэўненасць, што дзейнасць Трампа вяртае ў палітыку здаровы сэнс і традыцыйныя каштоўнасці. У сваю чаргу Мірзіёеў назваў Трампа прэзідэнтам міру, які спыніў восем войнаў.

На думку «вайсковага карэспандэнта» Коца, такія заявы Такаеў і Мірзіёеў маглі зрабіць з-за «ветру санкцый», які прымусіў іх павярнуцца да Захаду. «Кіраўнікі Узбекістана і Казахстана у прыпрыжку паскакалі да заакіянскага белага гаспадара. Пры тым зрабілі гэта ў найлепшых традыцыях лімітрофаў, што вырашылі змяніць гаспадара», — жорстка выказаўся Коц. Ён дапусціў, што словы Такаева і Мірзіёева сведчаць, што яны вырашылі прадэманстраваць сваю «незалежнасць ад рускага Вялікага Брата».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com