Навукоўцы раскрылі сакрэт высокага інтэлекту
Ён звязаны з здольнасцю мазга ствараць унутраныя мапы.
Людзі з больш высокімі здольнасцямі да разважання лепш фармуюць унутраныя мапы, што адлюстроўваюць узаемнае размяшчэнне прадметаў у прасторы. Да такой высновы прыйшлі нейрабіёлагі з Інстытута кагнітыўных і мазгавых навук імя Макса Планка. Праца апублікавана у часопісе Cell Reports (CR).
Навукоўцы даказалі, што ключавая асаблівасць інтэлекту можа быць звязаная з тым, як мазг кодуе адносіны паміж рознымі элементамі досведу — асабліва з працай гіпакампа, вобласці, адказнай за памяць і арыентацыю ў прасторы.
Даследчыкі вывучалі, як удзельнікі запамінаюць размяшчэнне прадметаў у віртуальнай прасторы. Пасля серыі трэніровак дабраахвотнікі маглі амаль беспамылкова аднаўляць, дзе знаходзіўся кожны аб’ект. Пры гэтым з дапамогай функцыянальнай МРТ навукоўцы фіксавалі актыўнасць гіпакампа і выявілі заканамернасць:
чым вышэй быў узровень «цякучага інтэлекту» (здольнасці вырашаць новыя задачы і знаходзіць заканамернасці), тым мацней мазг удзельнікаў уяўляў адлегласці паміж прадметамі — нібы фармуючы ментальную мапу.
Гэта сувязь захоўвалася нават пасля ўліку памяці і дакладнасці выканання задання. Інакш кажучы, разумовыя здольнасці вызначаліся не столькі колькасцю запомненай інфармацыі, колькі тым, як мазг структуруе сувязі паміж элементамі досведу.
«Нашы даныя паказваюць, што інтэлект можа залежаць ад здольнасці чалавека інтэграваць разрозненыя звесткі ў адзіную кагнітыўную структуру, якая дапамагае гнутка мысліць і прымаць рашэнні», — адзначылі аўтары працы Рэбекка Тэндэрра і Сцяфані Тэвес.
На думку даследчыкаў, гіпакамп выконвае не толькі ролю архіва памяці, але і цэнтра, які арганізуе веды ў структураваныя схемы. Такая здольнасць дазваляе чалавеку хутчэй адаптавацца, вырашаць новыя задачы і рабіць высновы з няпоўных даных.
Навукоўцы плануюць праверыць, ці распаўсюджваецца гэты эфект на іншыя тыпы сувязяў — не толькі прасторавыя, але і лагічныя ці паняційныя, — а таксама як падобныя механізмы развіваюцца з узростам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
