У адным з раёнаў Мінскай вобласці прааналізавалі сітуацыю са сказам

Прыйшлі да несуцяшальных высноў.

У Крупскім раёне Мінскай вобласці прааналізавалі сітуацыю са сказам жывёл і прыйшлі да несуцяшальных высноў. Вынікі паказалі, што ў раёне эпідэміялагічная сітуацыя па рабічнай інфекцыі ацэньваецца як неспрыяльная. Пра гэта паведамляе выданне «Крупскі вестнік».

Паводле звестак Аляксандра Кашалева, памочніка ўрача-эпідэміёлага цэнтра гігіены і эпідэміялогіі, са студзеня па верасень 2025 года з-за укусаў або кантактаў з жывёламі, у якіх падазраюць сказ, да медыкаў раёна звярнуўся 51 чалавек.

Тэрытарыяльна агмені зафіксаваныя ў вёсках Кіевец, Вялікая Слабада, Вялікі Камянец.

— Эпідэміялагічная сітуацыя па рабічнай інфекцыі на тэрыторыі Крупскага раёна ацэньваецца як неспрыяльная, — адзначае памочнік урача-эпідэміёлага. — За дзевяць месяцаў 2024 года лабараторна пацверджаныя таксама тры выпадкі сказу ў дзікіх жывёл. Тэрытарыяльна — у вёсках Касенічы, Калас, Вялікае Асова.

Усяго ж за мінулы год у Крупскім раёне было зафіксавана шэсць лабараторна пацверджаных выпадкаў сказу ў дзікіх і хатніх жывёл.

Аляксандр Кашалеў нагадаў, якіх мер засцярогі варта прытрымлівацца, каб абараніць сябе і жывёл. Што неабходна рабіць:

штогод прышчапляць ад сказу хатніх катоў і сабак, не дапускаць зносін хатніх жывёл з бадзяжнымі (бязнадзорнымі) жывёламі;

пры любым захворванні жывёлы, асабліва пры цяжкасцях з глытаннем, змяненні паводзінаў, ніколі не лячыць яе хатнімі сродкамі, а неадкладна звяртацца да ветэрынараў;

выявіўшы труп жывёлы, не чапаць яго рукамі, не несці дадому хворых жывёл, а ў абавязковым парадку паведаміць ветэрынарам або ў цэнтр гігіены і эпідэміялогіі;

сабак у двары трымаць на прывязі, а каб выключыць кантакт з дзікімі і бадзяжнымі жывёламі — у вальеры;

калі пакусала, падрапала або абслінавала хатняя або дзікая жывёла, неабходна шчодра прамыць раны, драпіны, садзіны вадой з мылам;

калі сліна жывёлы трапіла на слізістыя абалонкі, іх трэба прамыць праточнай вадой і тэрмінова звярнуцца па медыцынскую дапамогу.

— Прафілактыка сказу надзвычай важная, паколькі гэта смяротнае захворванне, небяспечнае і для чалавека, і для жывёл, — падкрэсліў спецыяліст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com