Падступны Гундзяеў асудзіў Мядзведзева на пакуты

Ордэнчык — двухсэнсоўны.

Гундзяеў д'ябальскі падступны. Ён ведаў, на якія пакуты асуджае намесніка старшыні СБ РФ Дзмітрыя Мядзведзева, уручаючы яму ордэн св. Дзмітрыя Данскога (латунны, але са стразамі).

У гэтай узнагароды ёсць надта непрыемная асаблівасць: з-за сваіх памераў і дурной канфігурацыі яна не лезе ні ў чарку, ні ў шклянку і, адпаведна, не паддаецца «абмыванню». Цяпер Мядзведзеў мучыцца, спрабуючы засунуць рэгалію хоць куды-небудзь.

Ды ўвогуле, цацка св. Дзмітрыя Данскога — ордэнчык двухсэнсоўны. Справа ў тым, што Кулікоўская бітва не была змаганнем рускіх супраць «іга» — ды і татараў як такіх. Дзмітрый, даннік і слуга хана Тахтамыша, проста выконваў тахтамышаў загад — «устараніць беклярбека Мамая, які парушыў ардынскія парадкі».

Данскі дзеля выслугі перад ханам паклаў цьму рускіх на Куліковым полі. Гэтая бітва лічыцца «днём воінскай славы Расіі», але даўно высветлена, што там і блізка не пахла ніякай «перамогай». Разагнаўшы нукераў Мамая, рускія былі разгромлены і перарэзаныя воінамі Вялікага Княства Літоўскага.

Абсалютна ўсе непрадузятыя еўрапейскія храністы апісваюць бітву так: «У тым жа годзе была вялікая вайна ў многіх краінах: асабліва моцна змагаліся рускія з татарамі каля Сіняй Вады (Bloen Wassir), і з абодвух бакоў было забіта каля 40 тысяч чалавек. Аднак рускія ўтрымалі [за сабой] поле. І, калі яны ішлі з бою, яны сутыкнуліся з літоўцамі, якіх татары паклікалі туды на дапамогу, і забілі рускіх вельмі шмат і ўзялі ў іх вялікую здабычу, якую тыя ўзялі ў татараў».

Прыблізна гэтак жа гэты дзень «воінскай славы» адзначаны ва ўсіх без выключэння хроніках таго часу — Дэтмара Любекскага, Германа Корнера (German Corner), Ёгана фон Посільге (Johann von Posilge), Ёгана Ліндэнблата.

Праз усяго два гады пасля Кулікоўскай ганьбы ардынцы Тахтамыша ўзялі, разрабавалі і спалілі Маскву. «Гераічны» князь Дзмітрый не пацярпеў падчас штурму і рабавання, бо загадзя ўцёк з горада.

Аляксандр Нявзораў, «Тэлеграм»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com