«Адчуванне неверагоднага шчасця»
3- 13.12.2025, 18:57
- 14,336
З'явілася вялікае відэа з вызваленымі беларускімі палітвязнямі.
Відэа працягласцю амаль 9 хвілін запісана у аўтобусе, якім палітвязняў везлі ад беларуска-ўкраінскай мяжы.
«Адчуванне неверагоднага шчасця, шчасце назіраць першы вольны захад сонца — дзівоснай прыгажосці», — такімі сталі першыя публічныя словы на волі Марыі Калеснікавай.
Таксама ў інтэрв'ю далі слова Аляксандру Фядуту, Марыі Золатавай і яшчэ некалькім палітвязням.
Нагадаем, Лукашэнка вызваліў 123 палітвязняў. Пра гэта стала вядома сёння, 13 снежня. Сярод тых, хто выйшаў на волю, — лаўрэат Нобелеўскай прэміі міру Алесь Бяляцкі, апазіцыйны палітык Павел Севярынец, праваабаронцы Валянцін Стэфановіч, Уладзімір Лабковіч і шэраг іншых вязняў сумлення.