Пуцін не ўсведамляе гэтай змены
- Аббас Галлямаў
- 7.12.2025, 19:12
- 7,522
У яго логіка гульца ў казіно.
Калі глядзець на вайну з пункта гледжання расійскай грамадскай думкі, то чым даўжэй яна цягнецца, тым лягчэй яе скончыць. Спачатку народ прагнуў перамогі, а цяпер яна яму ўжо не патрэбная.
Дастаткова, каб гэты кашмар хутчэй скончыўся.
Яшчэ зусім нядаўна думка пра тое, што Расія не можа перамагчы Украіну, была для сярэдняга расіяніна нечым невыносным — быццам серпам па горле, — а цяпер ён да яе прызвычаіўся. Непрыемна, але нічога — жыць можна. Можна пра гэта ўвогуле не думаць.
Пуцін не ўсведамляе гэтай змены настрояў. Ён думае, што чым больш праліта крыві, тым больш пераканаўчым павінен быць канчатковы вынік, інакш з яго за гэтую кроў спытаюць, — маўляў, а навошта тады ўсё гэта было патрэбна?
Ён думае, што колькасць загінулых павышае цану завяршэння праекта. Забітыя ідуць у сабекошт.
У Пуціна логіка гульца ў казіно. Той прайграе і павышае стаўкі, спадзеючыся адгуляцца, пры гэтым па спіне ўжо прабягае холад. Ён адчувае, што ўжо банкрут, але спыніцца не можа…
Насамрэч за кроў з яго, сапраўды, спытаюць. І ўсе прэтэнзіі прад'явяць. І праклянуць — гэтага яму ўжо не пазбегнуць. Але гэта будзе праз пэўны час — не адразу.
Магчыма, нават праз пакаленне, як было з немцамі пасля Гітлера. А пакуль людзі будуць рады простаму заканчэнню ўсяго гэтага вар'яцтва.
Радыкальна змяніўшы парадак дня на карысць мірнага будаўніцтва; барацьбы з карупцыяй; нацыяналізацыі (не паўзучай, як цяпер, а аформленай у якасці паўнавартаснага палітычнага праекта); можа быць, масавага асваення Сібіры і гэтак далей, — можна будзе паспрабаваць адкласці момант, калі грамадства згаданыя прэтэнзіі выстаўіць.
Аббас Галлямаў, «Тэлеграм»
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
