У Беларусі ўводзяць псіхалагічнае суразмоўе для педагогаў

За працэдуру адказвае наймальнік.

Урад прыняў пастанову аб псіхалагічным суразмоўі для педагогаў. Дакумент апублікаваны 9 снежня на Нацыянальным прававым інтэрнэт-партале. У ім прапісаны парадак, тэрміны і выпадкі правядзення наймальнікамі, юрыдычнымі асобамі і індывідуальнымі прадпрымальнікамі псіхалагічнага суразмоўя.

За псіхалагічнае суразмоўе адказвае наймальнік. Працэдуру павінны праводзіць псіхолагі або педагогі-псіхолагі з дзяржаўных арганізацый. З якіх канкрэтна — вызначаюць мясцовыя ўлады.

Суразмовы будуць праводзіць не толькі з кандыдатамі на педагагічныя, спартыўна-трэнерскія і іншыя пасады, звязаныя з выхаваннем дзяцей, але і з дзейнымі работнікамі.

Суразмоўе — права наймальніка. Прызначыць яго можна будзе ў наступных выпадках:

паступленне характарыстыкі з папярэдняга месца працы (вучобы) з інфармацыяй пра «адмоўныя маральныя якасці»;

паступленне ад грамадзян, дзяржорганаў і арганізацый «інфармацыі, якая адмоўна характарызуе прафесійныя, дзелавыя, маральныя якасці работніка»;

правядзенне сацыяльнага расследавання ў дачыненні да сям’і работніка (пры наяўнасці такіх звестак у наймальніка);

наяўнасць у заключэнні рэкамендацыі аб правядзенні паўторнага суразмоўя з работнікам.

Спецыяліст будзе праводзіць суразмоўе з выкарыстаннем камп’ютарнай тэхнікі, афармляць заключэнне ў той жа дзень, знаёміць з ім кандыдата/работніка пад подпіс і перадаваць дакумент наймальніку.

Заключэнне пры гэтым будзе насіць рэкамендацыйны характар. А адмова ад праходжання суразмоўя афармляецца актам, падпісваемым наймальнікам.

Захоўванне заключэння на кандыдата — адзін год; на работніка — на працягу тэрміну працы, а пасля спынення працы — адзін год.

Новацыя павінна пачаць дзейнічаць з 17 студзеня 2026 года — тады ўступяць у сілу асноўныя палажэнні новага закона.

Нагадаем, пра псіхалагічнае суразмоўе для педагогаў загаварылі ў пачатку гэтага года. Закон быў прыняты ўжо ў ліпені. Згодна з новаўвядзеннямі, працаваць з дзецьмі цяпер не маюць права асобы, асуджаныя за «здзяйсненне злачынстваў экстрэмісцкай накіраванасці». Пры гэтым прапісана, што гэта не залежыць ад зняцця або пагашэння судзімасці.

«Забарона на працу з дзецьмі для асоб, асуджаных за «экстрэмісцкія» злачынствы, — гэта прамы элемент сістэмы ідэалагічнага кантролю, убудаваны ў дзяржаўную індактрынацыю сістэмы адукацыі ў Беларусі, якая актыўна ўзмацняецца ў апошнія гады», — адзначала тады юрыстка праваабарончага цэнтра «Вясна» Святлана Галоўнева.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com