У расійскім горадзе хочуць усталяваць брыдкі помнік «сям'і салдата СВА»
27- 9.12.2025, 19:04
- 8,248
Фотафакт.
У Троіцку Чалябінскай вобласці мясцовы скульптар Аляксандр Цімафееў прапанаваў уладам усталяваць у горадзе помнік «Сям'я салдата СВА» ўласнай работы. Аднак мэр горада Дзмітрый Гатаў браць на сябе адказнасць за рашэнне не стаў і вырашыў даведацца меркаванне жыхароў, піша мясцовае выданне 74.ru.
Помнік меркавалася размясціць на вуліцы Леніна, каля будынка савета ветэранаў. Але гараджане, убачыўшы праект, рэзка раскрытыкавалі працу. У каментарыях скульптуру называлі «грубаватай», «недапрацаванай», а некаторыя нават выказвалі меркаванне, што яе зрабіў чалавек без навыкаў. Згадвалі таксама, што ў творы «няма душы».

У выніку 68,4% удзельнікаў галасавання выступілі супраць усталявання помніка. Улады Троіцка заявілі, што ўлічаць вынікі апытання падчас далейшай працы над добраўпарадкаваннем гарадской прасторы.