Холанд дагнаў Ямаля ў спісе найдаражэйшых футбалістаў свету

Кошт нападніка «Манчэстэр Сіці» дасягнуў €200 млн.

Нарвежскі нападнік «Манчэстэр Сіці» Эрлінг Холанд стаў адным з двух найдаражэйшых футбалістаў свету паводле версіі Transfermarkt пасля чарговага абнаўлення рыначнай вартасці гульцоў у Англійскай прэм’ер-лізе (АПЛ).

Холанд падаражэў на €20 млн, яго кошт дасягнуў €200 млн. Столькі ж цяпер у форварда «Барселоны» і зборнай Іспаніі Ламіна Ямаля.

Да аналагічнай ацэнкі ў сваёй кар’еры дабіраліся толькі француз Кіліян Мбапэ у бытнасць гульцом «Пары Сен-Жэрмен» і бразілец Вінісіус Жуніёр з мадрыдскага «Рэала».

Топ-5 найдаражэйшых гульцоў АПЛ выглядае наступным чынам:

Эрлінг Холанд («Манчэстэр Сіці») — €200 млн;

Букайо Сака («Арсенал») — €130 млн;

Коўл Палмер («Чэлсі») — €120 млн;

Дэклан Райс («Арсенал») — €120 млн;

Аляксандр Ісак («Ліверпуль») — €120 млн.

У гэтым сезоне Холанд забіў 23 голы ў 24 матчах, з’яўляецца лідарам гонкі бамбардзіраў АПЛ і нядаўна стаў самым хуткім гульцом у гісторыі АПЛ, які дасягнуў адзнакі ў 100 галоў (за 111 матчах).

У складзе «Манчэстэр Сіці» нарвежац выйграў Лігу чэмпіёнаў і двойчы станавіўся чэмпіёнам Англіі. Яго кантракт з клубам разлічаны да 2034 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com