Кіраўнік Генштаба: Абстаноўка вакол Беларусі складаней, чым у чэрвені 1941 года

Павел Мураўейка заявіў пра «абвастрэнне сітуацыі».

Кіраўнік Генштаба, першы намеснік міністра абароны Беларусі Павел Мураўейка заявіў, што на дадзены момант абстаноўка вакол краіны нават складанейшая, чым у чэрвені 1941 года, калі ўсё ішло да пачатку Вялікай Айчыннай вайны. Пра гэта паведамляе БелТА.

Паводле слоў Мураўейкі, абвастрэнне сітуацыі правакуе шэраг фактараў, сярод якіх — пераважанне незразумелых прэтэнзій краін адна да адной. Ён адзначыў, што пры гэтым працягвае дзейнічаць санкцыйная палітыка, не здольная прывесці ні да чаго добрага ў бліжэйшай перспектыве.

«Калі параўноўваць з чэрвенем 1941-га, дык, напэўна, цяпер абстаноўка яшчэ больш складаная. Бо краіны значна выраслі эканамічна, інтэлектуальна, узбраенне і ваенная тэхніка сталі значна больш дасканалымі», — сказаў першы намеснік міністра абароны.

Незадоўга да гэтага Лукашэнка заявіў, што абстаноўка на беларуска-ўкраінскай мяжы стабілізавалася, аднак патрабуе ўмацавання памежнай інфраструктуры. Беларускі лідар удакладніў, што цяпер «даводзіцца выстаўляць» у другой лініі за памежнымі войскамі падраздзяленні ўзброеных сіл.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com