Экс-дарадца Трампа жорстка раскрытыкаваў прэзідэнта ЗША

Кіраўнік Белага дома занадта рана пачаў казаць пра саступкі.

Былы дарадца амерыканскага прэзідэнта Дональда Трампа ў пытаннях нацыянальнай бяспекі Джон Болтан мяркуе, што заява рэспубліканца аб патэнцыйных стратах Украіны яшчэ да пачатку перамоў з РФ азначае, што Трамп "фактычна здаўся Пуціну".

Пра гэта ён напісаў у X.

Болтан заявіў, што дазваляць Расеі "замахвацца на суверэнітэт Украіны, вербаваць ворагаў накшталт Паўночнай Карэі для дапамогі ў сваёй барацьбе, а затым здраджваць украінцам, згаджаючыся на страту іх тэрыторыі і гарантый бяспекі або сяброўства ў NATO - недапушчальна".

"Зрабіўшы гэтыя і іншыя саступкі яшчэ да пачатку перамоў, Трамп фактычна здаўся Пуціну ў пытанні Украіны", – мяркуе ён.

Экс-дарадца амерыканскага прэзідэнта адзначыў, што шмат разоў папярэджваў аб тым, што Трамп возьме бок Расеі ў перамовах паміж украінскім прэзідэнтам Уладзімірам Зяленскім і кіраўніком Крамля Уладзімірам Пуціным.

"Вайсковыя паказчыкі Расеі былі несуцяшальнымі, але Трамп апраўдвае пастанову Пуціна аб уварванні", – сказаў ён.

Болтан мяркуе, што шкода інтарэсам бяспекі ЗША "выйдзе далёка за межы Цэнтральнай Еўропы, як гэта выразна бачаць нашы супраціўнікі на Блізкім Усходзе і ў Інда-Ціхаакіянскім рэгіёне".

“Лідары ЗША абавязаныя адназначна падтрымліваць Украіну і ўсіх супольнікаў з NATO, якія падтрымліваюць Кіеў. Не ў нашых нацыянальных інтарэсах дазволіць несправакаванай агрэсіі Крамля супраць Украіны перамагчы. Адміністрацыі Трампа павінна быць сорамна”, - рэзюмаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com