У Маскве прызямліўся бізнэс-джэт ВПС ЗША

Самалёт вылецеў з авіябазы Эндрус у штаце Мэрыленд.

У Маскве прызямліўся бізнэс-джэт Gulfstream C-37B, які належыць Вайсковым паветраным сілам ЗША. Як вынікае са звестак сэрвісу Flightradar24, самалёт вылецеў з Кэмп-Спрынгса, штат Мэрыленд, дзе размешчаная авіябаза Эндрус, пасля чаго зрабіў прамежкавы прыпынак у Ратэрдаме, а затым накіраваўся ў Расею, піша The Moscow Times.

На гэты момант афіцыйнай інфармацыі аб мэтах візіту самалёта няма. Аднак за два дні да гэтага, 11 лютага, у Маскву прыбыў іншы амерыканскі бізнэс-джэт Gulfstream G650ER. На яго борце знаходзіўся спецыяльны пасланнік прэзідэнта ЗША Дональда Трампа на Блізкім Усходзе Стыў Уіткоф. У той жа дзень Белы дом паведаміў аб вызваленні амерыканскага грамадзяніна Марка Фогеля, раней прысуджанага ў Расеі да 14 гадоў турмы.

У адміністрацыі Дональда Трампа адзначылі, што вызваленне Фогеля - гэта «праяўленне добрай волі» з боку Масквы і пазітыўны сігнал у кантэксце магчымага ўрэгулявання ўкраінскага канфлікту.

Узамен Злучаныя Штаты вызвалілі расейца Аляксандра Вінніка, сузаснавальніка крыптабіржы BTC-e, якога Вашынгтон абвінавачваў у адмыванні грашовых сродкаў на суму ад $4 да $9 млрд. Увечары 13 лютага Віннік прыбыў у Турцыю, адкуль быў адпраўлены іншым рэйсам у Расею.

Дональд Трамп, каментуючы вызваленне Фогеля, паведаміў, што яшчэ адзін амерыканскі грамадзянін неўзабаве будзе вернуты на радзіму. Аднак імя гэтага чалавека ён не назваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com