ЗША і Індыя плануюць падвоіць аб'ём двухбаковага гандлю

Модзі сустрэўся з Трампам у Вашынгтоне.

Злучаныя Штаты і Індыя плануюць падвоіць аб'ём двухбаковага гандлю да 500 млрд. даляраў (478 млрд. еўра) да 2030 года. Пра гэта заявіў прэм'ер-міністр Індыі Нарэндра Модзі ў чацвер, 13 лютага, на прэс-канферэнцыі з прэзідэнтам ЗША Дональдам Трампам у Вашынгтоне, паведамляе «Немецкая волна».

Супрацоўніцтва будзе найперш у галіне штучнага інтэлекту і паўправаднікоў, а таксама стварэння трывалых ланцужкоў паставак стратэгічных мінералаў, удакладніла агенцтва Reuters.

Са слоў Трампа, Індыя гатова да зніжэння тарыфаў на амерыканскія тавары. Акрамя таго, яна будзе імпартаваць больш амерыканскіх нафты і газу, каб зменшыць дэфіцыт гандлёвага балансу паміж краінамі.

ЗША павялічаць продажы зброі Індыі

Вашынгтон плануе з гэтага года павялічыць продажы зброі Індыі. «Мы павялічым продаж вайсковага рыштунку Індыі на мільярды даляраў. Мы таксама рыхтуемся пастаўляць Індыі знішчальнікі F-35», - паабяцаў Трамп. Дакладных тэрмінаў ён, аднак, не назваў. Афармленне падобных пагадненняў звычайна займае гады, нагадала Reuters.

Цягам дзесяцігоддзяў адным з асноўных пастаўшчыкоў+ узбраення для Індыі застаецца Расея. Намеснік кіраўніка Федэральнай службы ў вайскова-тэхнічным супрацоўніцтве Міхаіл Бабіч 11 лютага заявіў агенцтву ТАСС, што РФ гатова да супольнай з індыйскім бокам вытворчасці расейскага знішчальніка пятага пакалення Су-57.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com