Forbes: Агенты ГУВ прайшлі 500 км і ўзарвалі высокатэхналагічную сістэму каля Масквы

«Валдай» быў варты рызыкі. 

Расея распрацавала адну з самых сучасных у свеце сістэм барацьбы з дронамі і разгарнула яе ў раёне Масквы, каб абараніць горад ад украінскіх беспілотных удараў. Пра гэта піша Forbes.

Разам з тым усё гэта было марным. Паведамляецца, што намаганнямі ГУВ быў знойдзены і знішчаны радар і сістэма глушэння «Валдай», што патэнцыйна расчысціла шлях беспілотнікам.

Уначы 6 лютага ў горадзе Даўгапрудны нешта ўзарвалася. Нехта на зямлі зафіксаваў начны выбух на камеру тэлефона.

«Выбуховая прылада знішчыла дзве расейскія радыёлакацыйныя сістэмы «Валдай», прызначаныя для 24-гадзінннага аўтаматычнага выяўлення і супрацьдзеяння беспілотным лятальным апаратам», – паведамляла ГУВ. Са звестак ведамства, вайсковая частка, дзе адбыўся выбух, адказвае за бяспеку паветранай прасторы над Масквой.

Як украінцы выявілі і, як мяркуецца, пашкодзілі сістэму «Валдай», якая ўключае ў сябе некалькі асобных датчыкаў, незразумела. Са слоў журналістаў, відэа можа ўказваць на тое, што ўкраінскі агент падкраўся да «Валдая» і заклаў выбухоўку.

Калі гэта сапраўды так, то гэта была рызыкоўная аперацыя ў густанаселеным рэгіёне амаль за 500 км ад лініі фронту ва Украіне. Але гэта не беспрэцэдэнтны выпадак. Украінскія агенты неаднаразова пранікалі на тэрыторыю Расеі для дыверсій на вайсковых самалётах, караблях і іншых цэлях.

«Валдай» відавочна каштаваў рызыкі. Зусім новая сістэма, відаць, даволі рэдкая ў расейскіх войсках, уключала ў сябе пасіўныя радыёдэтэктары, інфрачырвоныя датчыкі, радары і радыёперашкоды для выяўлення і глушэння цяжкавыяўных невялікіх БПЛА на адлегласці да 10 км. Ліянозаўскі электрамеханічны завод у Маскве пачаў распрацоўку «Валдая» у 2016 годзе. Першы экзэмпляр паступіў на ўзбраенне ўсяго чатыры гады таму.

Нават самая складаная сістэма барацьбы з беспілотнікамі ўразлівая перад самымі простымі сродкамі нападу: хтосьці можа падысці і закласці бомбу. Але ёсць довады, што «Валдай» таксама ўразлівы да тых жа беспілотнікаў, якія ён павінен выяўляць і глушыць. У 2022 годзе ўкраінскі беспілотнік разбамбіў тое, што, відаць, было кампанентамі «Валдая» недзе недалёка ад лініі фронту ва Украіне.

Чаму ўкраінцы нацэліліся на «Валдай» у Даўгапрудным, відавочна. Сілы абароны пашыраюць сваю кампанію глыбокіх удараў па расейскіх авіябазах, заводах і нафтавых аб'ектах. Рэйды на расейскую нафтавую прамысловасць у мінулым месяцы, магчыма, знішчылі да 10% вытворчасці нафтапрадуктаў у краіне.

Украіна запускае крылатыя ракеты па некаторых з самых складаных цэляў. Самыя цяжкія з БПЛА Украіны могуць пераадольваць больш за 1500 км з дакладным навядзеннем.

Найноўшыя беспілотнікі нават маюць магчымасць скідаць бомбы і вяртацца назад на базу. Супрацьстаянне гэтым беспілотнікамі - надзённая задача для расейцаў у поўнамаштабнай вайне. Барацьба са сродкамі, з дапамогай якіх Расея супрацьстаіць беспілотным пагрозам - у сваю чаргу, прыярытэт для Украіны. Гэта настолькі тэрміновая задача, што выведвальнае кіраванне краіны можа нават адправіць кагосьці ў небяспечнае 500-кіламетровае падарожжа праз усю Расею, каб закласці выбухоўку сярод ночы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com