Зяленскі: Гэтым летам Пуцін накіруе войскі ў Беларусь

Прэзідэнт Украіны агучыў звесткі выведкі на Мюнхенскай канферэнцыі.

Расейскі дыктатар Уладзімір Пуцін «дакладна разглядае Беларусь як проста іншы рэгіён Расеі». Пра гэта заявіў прэзідэнт Украіны Уладзімір Зяленскі 15 лютага ў сваёй прамове на Мюнхенскай канферэнцыі ў бяспецы.

Уладзімір Зяленскі адзначыў, што ў Кіева «ёсць дакладная выведная інфармацыя, што гэтым летам Расея плануе накіраваць войскі ў Беларусь на падставе ваенных вучэнняў».

– Але гэта дакладна гэтак сама, як яны разгортвалі войскі перад поўнамаштабным ўварваннем ва Украіну тры гады таму. Гэтыя расейскія сілы ў Беларусі для нападу на Украіну? Магчыма. А магчыма не. Ці, магчыма, яны для вас?

Уладзімір Зяленскі нагадаў, што Беларусь мяжуе з трыма краінамі NATO.

– Яна (Беларусь – Заўв. рэд.), уласна, стала плацдармам для расейскіх ваенных аперацый. Адпаведна, са словаў Пуціна і Лукашэнкі, Беларусь цяпер прыняла забароненую зброю. Ракеты сярэдняй далёкасці і нават ядзерную зброю. Пуцін дакладна разглядае Беларусь як проста іншы рэгіён Расеі. І мы павінны быць рэалістычнымі, калі нехта разгортвае ваенны плацдарм, мы павінны спытаць, што нам з гэтым рабіць? І важнейшае – што можам мы зрабіць да наступнага нападу, наступнага ўварвання? – сказаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com