Зяленскі заклікаў да стварэння Узброеных сілаў Еўропы

Час прыйшоў.

На фоне расейскай пагрозы Еўропе патрэбныя ўласныя Узброеныя сілы. І час для іх стварэння ўжо надышоў.

Як паведамляе РБК-Украіна, пра гэта падчас выступу на Мюнхенскай канферэнцыі ў бяспецы заявіў прэзідэнт Украіны Уладзімір Зяленскі.

«Я веру ў Еўропу. І вы павінны верыць. І я заклікаю вас дзейнічаць – дзеля сябе і дзеля Еўропы – людзей Еўропы, вашых народаў, вашых дамоў, вашых дзяцей і нашай агульнай будучыні», – адзначыў Зяленскі.

Паводле ягоных словаў, Еўропа павінна стаць самадастатковай і аб'яднаць сваю сілу з Украінай.

Прэзідэнт нагадаў, што цяпер украінскія абаронцы, якіх падтрымліваюць іншыя краіны, стрымліваюць Расею. Але цяпер нельга выключаць магчымасці таго, што ЗША могуць сказаць Еўропе «не» ў пытаннях, якія ёй пагражаюць.

«Многія лідары гаварылі, што Еўропе патрэбныя ўласныя ўзброеныя сілы – Войска Еўропы. Я мяркую, што гэты час прыйшоў. Узброеныя сілы Еўропы павінны быць створаныя», – дадаў ён.

Таксама кіраўнік украінскай дзяржавы звярнуўся да генеральнага сакратара NATO Марка Рута, адзначыўшы, што такія Узброеныя сілы не стануць заменай Альянсу.

«Гаворка ідзе пра тое, каб зрабіць фундуш Еўропы ў наша партнёрства роўным фундушу Амерыкі. І нам патрэбен той самы падыход, калі гаворка ідзе пра дыпламатыю – супольную працу ў імя міру», – удакладніў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com