Прэм'ерка Даніі назвала стратэгію Еўропы ў вайне РФ супраць Украіны

Мэтэ Фрэдэрыксэн агучыла яе на Мюнхенскай канферэнцыі ў бяспецы.

Вайна Расеі супраць Украіны тычыцца не толькі самой Украіны, а таксама адлюстроўвае імперыялістычныя жаданні Масквы і намеры ўмяшацца ў еўрапейскія справы. Стратэгія Еўропы мусіць быць толькі ў дасягненні перамогі ў вайне.

Пра гэта паведамляе РБК-Украіна са спасылкай на заяву прэм'ер-міністаркі Даніі Метэ Фрэдэрыксэн на Мюнхенскай канферэнцыі ў бяспецы.

На пытанне мадэратара, які павінен быць план у Еўропы датычна Украіны, кіраўніца дацкага ўраду адзначыла, што яе адказ «вельмі просты – мы павінны перамагчы».

Яна падкрэсліла, што «наша стратэгія – толькі перамога ў вайне», і дадала, што ў адваротным выпадку сёлета Расея прадоўжыць дэстабілізаваць сітуацыю ў Еўропе, чаго заходнія лідары не павінны дапусціць.

«Я ніколі не думала, што вайна РФ супраць Украіны тычыцца асабліва Украіны. Вайна ва Украіне – гэта пра Расею, гэта пра расейскія імперыялістычныя мары, гэта пра іх жаданне і намеры прымаць пастановы датычна справаў Еўропы... І не можам дазволіць гэта ім зрабіць», – сказала Фрэдэрыксэн.

Таксама прэм'ерка Даніі звярнула ўвагу, што Еўропа павінна мець на ўвазе пагрозу з боку РФ, сярод іншага не толькі для Украіны, і зноў акцэнтавала важнасць перамогі над краінай-агрэсаркай у вайне.

«Гэта не проста, але гэта неабходна», – адзначыла Фрэдэрыксэн.

Таксама кіраўніца ўраду Даніі дадала, што марыць пра мір, аднак дакладна не церпіць палітыку прымірэння, як гэта было ў Мюнхене ў 1938 годзе.

«І я думаю, гэта было б няправільна сёння», – дадала яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com