«Ніякіх пастановаў пра Украіну без Украіны і пра Еўропу без Еўропы»

Зяленскі агучыў ключавы прынцып на Мюнхенскай канферэнцыі.

Украіна не будзе згаджацца на мірныя ўгоды, якія заключаныя без яе ўдзелу. Перамоваў Расеі сам-насам з ЗША хоча толькі расейскі дыктатар Уладзімір Пуцін.

Як паведамляе РБК-Украіна, пра гэта прэзідэнт Украіны Уладзімір Зяленскі заявіў у ходзе выступу на Мюнхенскай канферэнцыі ў бяспецы.

«Украіна ніколі не пагодзіцца на ўгоды, заключаныя за нашай спінай без нашага ўдзелу. І тое самае правіла павінна дзейнічаць для ўсёй Еўропы. Ніякіх пастановаў пра Украіну без Украіны. Ніякіх пастановаў пра Еўропу без Еўропы. У Еўропы павінна быць месца за сталом, калі прымаюцца пастановы пра Еўропу», – адзначыў кіраўнік дзяржавы.

Паводле ягоных словаў, у выпадку заключэння ўгоды без Украіны і Еўропы «пацерпяць усе».

Прэзідэнт папярэдзіў, што цяпер кіраўнік Крамля спрабуе правесці перамовы з ЗША без удзелу Украіны і Еўропы – як перад вайной, калі яны сустракаліся ў Швэйцарыі і, здавалася, збіраліся падзяліць свет.

«Потым Пуцін паспрабуе дамагчыся таго, каб прэзідэнт ЗША стаяў на Краснай плошчы 9 траўня гэтага года – не як паважаны лідар, а як рэквізіт у ягоным спектаклі. Нам гэта не патрэбнае. Нам патрэбны сапраўдны поспех. Сапраўдны мір», – дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com