FT даведалася, чаму Украіна адхіліла прапанаваную ЗША ўгоду
5- 15.02.2025, 17:35
- 7,336
У прапанове Вашынгтона нічога не было аб будучых гарантыях бяспекі.
Прэзідэнт Украіны Уладзімір Зяленскі адхіліў прапанову ЗША аб перадачы амаль 50% правоў на рэдкія карысныя выкапні і спрабуе дамовіцца аб больш выгаднай угодзе. Пра гэта піша газета Financial Times са спасылкай на некалькі крыніц, знаёмых з сітуацыяй.
Адзначаецца, што Зяленскі хоча, каб амерыканскія і еўрапейскія гарантыі бяспекі былі наўпрост звязаныя з усялякай дамовай наконт украінскіх запасаў. Ён таксама хоча, каб іншыя краіны, у тым ліку дзяржавы ЕЗ, былі ўцягнутыя ў будучую эксплуатацыю прыродных рэсурсаў.
Высокапастаўлены ўкраінскі чыноўнік заявіў, што Кіеў «спрабуе дамовіцца пра больш выгадную ўгду».
Падчас свайго нядаўняга візіту ў Офіс прэзідэнта ў Кіеве міністр фінансаў ЗША Скот Бэсэнт прынёс дакумент, які Трамп хацеў, каб Зяленскі падпісаў, паведамілі пяць чалавек, знаёмых з гэтым пытаннем.
Сам Бэсэнт апісаў угоду як «эканамічнае пагадненне» з Кіевам, каб «яшчэ больш пераплесці эканомікі» абедзвюх краін. Паводле ягоных слоў, адміністрацыя Трампа «будзе стаяць да канца [з Кіевам], павялічваючы нашы эканамічныя абавязацельствы», што «забяспечыць доўгатэрміновы шчыт бяспекі для ўсіх украінцаў» пасля заканчэння вайны з Расеяй.
«Калі мы разгледзелі дэталі, там нічога не было [пра будучыя гарантыі бяспекі ЗША]», - сказаў іншы ўкраінскі чыноўнік.
На пытанне, ці была гэтая ўгода дрэннай для Украіны, трэці ўкраінскі чыноўнік, знаёмы з прапановай, сказаў, што гэта была «ўгода Трампа»: «Гэта складана».
Як дадаў праінфармаваны аб сустрэчах еўрапейскі чыноўнік, Зяленскі не падпісаў пагадненне, таму што ён хоча, каб іншыя партнёры Украіны, у тым ліку еўрапейскія краіны, таксама ўдзельнічалі ў здабычы карысных выкапняў:
«Яны знаходзяцца пад моцным ціскам з боку амерыканцаў з гэтай нагоды».
Адзначаецца, што прапанова ЗША адпавядае «плану перамогі», які каманда Зяленскага распрацоўвае з мінулага лета.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
