Затрыманы ўладальнік гарадзенскай этнакрамы «Цудоўня»

Паводле пратэстнага артыкуле.

Уладальніка "Цудоўні" Андрэя Несцяровіча затрымалі за нібыта арганізацыю дзеянняў, якія парушылі грамадскі парадак. Гэты артыкул выкарыстоўваецца ў Беларусі ў палітычна матываваных справах, адзначае Hrodna.life.

Паводле інфармацыі выдання ад крыніц, не звязаных з сям'ёй Несцяровіча, яго затрымалі 7 лютага. Супраць прадпрымальніка завялі крымінальную справу паводле арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Найбліжэйшым часам яго павінны перавесці ў гарадзенскі СІЗА №1.

У 2023 годзе Несцяровіча судзілі паводле арт. 19.11 КоАП за нібыта распаўсюд «экстрэмісцкіх» матэрыялаў. Ён атрымаў 10 дзён арышту. Пасля на яго завялі крымінальную справу паводле ч. 2 арт. 295 КК (Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Тады яму вынеслі прысуд, не звязаны з пазбаўленнем волі.

Андрэй Несцяровіч заснаваў этнакраму "Цудоўня" ў 2015 годзе. Пасля выбараў 2020 года крама сутыкнулася са штрафамі і пазбаўленнем памяшкання. Андрэй заставаўся ў Беларусі і падтрымліваў свой бізнэс, бо ўважаў яго за важны для захавання і развіцця беларускай культуры. У яго двое малалетніх дзяцей, аднаму з якіх няма яшчэ года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com