Контрнаступ УСУ: украінскае войска прасунулася ўглыб Курскай вобласці
1- 7.02.2025, 8:09
- 12,136
Аналітыкі ISW апублікавалі карту баявых дзеянняў.
Узброеныя сілы Украіны пачалі новы контрнаступ у Курскай вобласці і за дзень прасунуліся на пяць кіламетраў углыб рэгіёну. Пра гэта гаворыцца ў справаздачы амерыканскага Інстытута вывучэння вайны (ISW) за 6 лютага.
«Украінскія войскі пачалі новую серыю батальённых механізаваных нападаў у Курскай вобласці і 6 лютага прасунуліся да пяці кіламетраў углыб расейскіх пазіцый на паўднёвы ўсход ад Суджы», - гаворыцца ў справаздачы.
Аналітыкі патлумачылі, што геалакацыйныя кадры паказваюць на тое, што ўкраінскае войска прасунулася на паўднёвы захад ад Махноўкі і на поўнач і ўсход ад Чаркаскай Канапелькі ўздоўж трасы 38К-028 Суджа-Абаянь.
Акрамя таго, са звкестак ISW, УСУ занялі хутар Калмакоў і прысёлак Фансееўка Курскай вобласці.
У той жа час Міністэрства абароны РФ заявіла, што ўкраінскія войскі атакавалі некалькімі хвалямі ў кірунку Чаркаскай Канапелькі і Уланак з прыцягненнем бранятэхнікі сіламі да двух механізаваных батальёнаў, і што расейскія войскі адбілі атаку.
Адзін з расейскіх вайсковых блогераў таксама сцвярджаў, што ўкраінскія сілы захапілі Чаркаскую Канапельку, а некаторыя расейскія крыніцы сцвярджалі, што ўкраінскія сілы прарваліся да сяла Уланок ці нават захапілі яго.
«ISW пакуль не бачыла геалакацыйных довадаў, якія б дазволілі ацаніць, што ўкраінскія сілы дзейнічаюць ва Уланку», - гаворыцца ў справаздачы.
У ISW таксама адзначылі, што пакуль не маюць падстаў сцвярджаць аб актыўнасці Украіны паблізу пасёлка Кругленькае, пра што таксама сцвярджалі расейскія вайсковыя блогеры.
У Інстытуце адзначылі, што асноўнымі сіламі УС РФ, якія абараняюцца ад украінскіх нападаў на паўднёвы ўсход ад Суджы цяпер з'яўляюцца падраздзяленні расейскай 11-й паветрана-дэсантнай брыгады, 810-й марской пяхотнай брыгады (Чарнаморскі флот), 30-га мотастралковага палка і 177-га марскога пяхотнага палка (Каспійская флатылія), а таксама чачэнскія аператары беспілотных лятальных апаратаў «Ахмат».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
