Краіны Балтыі адключыліся ад беларускай і расейскай электрасеткі

Гэта азнаменавала канчатковы разрыў энэргетычнай залежнасці.

Літва, Латвія і Эстонія завяршылі працэс адключэння ад энэргакола БРЭЛЛ (Беларусь — Расея — Эстонія — Латвія — Літва), што азнаменавала канчатковы разрыў энэргетычнай залежнасці ад Расеі.

Аб гэтым паведамляе The Moscow Times са спасылкай на Міністэрства энэргетыкі РФ.

Калінінградская вобласць, якая раней атрымлівала электраэнэргію праз гэту сістэму, перайшла на аўтаномны рэжым работы, дадалі ў ведамстве: "Сёння сумарная магутнасць калінінградскіх электрастанцый складае 1,88 ГВт, што больш як удвая перавышае пікавае энэргаспажыванне рэгіёну і дае магчымасць у любых абставінах забяспечыць энэргазабеспячэнне грамадзян".

Эстонскі аператар электрасетак Elering паведаміў, што адключэнне ад БРЭЛЛ не паўплывала на спажыўцоў. Міністр замежных спраў Эстоніі Маргус Цахкна адзначыў, што гэты крок пазбаўляе Расею магчымасці выкарыстоўваць энэргію як інструмент ціску. "Мы пазбавім агрэсара магчымасці выкарыстоўваць энэргію ў якасці зброі супраць нас і зробім нашы сістэмы больш моцнымі як на дзяржаўным, так і на рэгіянальным узроўні", - падкрэсліў ён.

Як паведамляе эстонская газета Postimees, на працягу 33 гадзін краіны Балтыі будуць функцыянаваць у сваёй уласнай частотнай зоне, а да вечара 9 лютага плануецца іх поўнае падключэнне да еўрапейскай энэргасістэмы праз злучэнне Літвы і Польшчы.

Пасля пачатку поўнамаштабнага ўварвання Расеі ва Украіну краіны Балтыі адмовіліся ад закупак расейскага газу і электраэнэргіі, але іх сеткі заставаліся тэхнічна інтэграванымі ў энэргасістэму Расеі і Беларусі. Ідэя адключэння ад БРЭЛЛ абмяркоўвалася яшчэ з 2007 года, бо залежнасць ад расейскай энэргетыкі разглядалася як патэнцыйная пагроза.

Літва, Латвія і Эстонія доўгі час заставаліся адзінымі сябрамі ЕЗ, не падключанымі да кантынентальнай еўрапейскай энэргасістэмы, бо іх сеткі былі гістарычна ўбудаваны ў савецкую энэргаструктуру. У 2018 годзе гэтыя краіны падпісалі пагадненне з Еўрапейскай камісіяй і Польшчай, што дало магчымасць атрымаць фінансаванне на мадэрнізацыю энэргетычнай інфраструктуры. Агулам у праект сінхранізацыі энэргасетак Балтыі з Еўропай было ўкладзена 1,6 мільярда еўраў

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com