Сірыя пачала першую ваенную аперацыю пасля змены ўлады
10- 9.02.2025, 9:07
- 24,894
На мяжы з Ліванам успыхнулі баі.
Сірыя праводзіць першую буйную ваенную аперацыю пасля змены ўлады. На мяжы з Ліванам успыхнулі баі паміж войскамі кіроўнай групоўкі «Хаят Тахрыр аш-Шам» і «Хезбалой».
Як паведамляе The Jerusalem Post, сутычкі пачаліся ў чацвер раніцай, калі баевікі «Хезбалы» распачалі спробу наступу на горад Эль-Кусайр, які з'яўляецца апорным пунктам для кантрабандных аперацый гэтай ліванскай групоўкі, у рамках якіх праз мяжу перавозяцца зброя і наркотыкі.
«Упершыню пасля падзення рэжыму Асада і зніжэння ўплыву «Хезбалы» ў Сірыі сілы сірыйскага войска, звязаныя з новай сірыйскай адміністрацыяй, увайшлі ў раёны Хермеля, Ліван, што выклікала жорсткія сутыкненні з баевікамі «Хезбалы», – адзначае выданне.
Мяркуючы з апублікаваных кадраў у сеціве, боесутыкненні носяць сур'ёзны характар. Размова ідзе пра выкарыстанне танкаў і іншай ваеннай тэхнікі, а таксама артылерыі і дронаў. Сірыйцы змаглі адбіць атаку і адкінулі баевікоў «Хезбалы» на тэрыторыю Лівана.
«З абвастрэннем сітуацыі сірыйскія сілы ўвайшлі ў Хавік, ліванскі горад у рэгіёне Хермель, дзе інтэнсіўныя баі прымусілі элементаў “Хезбалы” адступіць», – гаворыцца ў матэрыяле.
Падчас баёў абодва бакі змаглі захапіць палонных, але, паводле інфармацыі праекту Al-Monitor, у ноч з пятніцы на суботу адбыўся абмен на памежным пераходзе Джусія.
Мэта сірыйскай аперацыі ў памежжы – барацьба з кантрабандай зброі і наркотыкаў, адзначае The Media Line.
За апошнія некалькі дзён сіламі бяспекі новай адміністрацыі была затрыманая не адна партыя нелегальных тавараў, прызначаных для перапраўкі цераз мяжу.
Крыніца ў службе бяспекі заявіла, што ўлады атрымалі выведныя звесткі пра групу ў Саргаі, у якой былі зброя, боепрыпасы і наркотыкі, прызначаныя для транспартавання ў Ліван.
Паводле словаў суразмоўцы, супрацоўнікі службы бяспекі канфіскавалі некалькі штурмавых вінтовак і значную колькасць наркотыкаў, перш чым гэтыя прадметы змаглі дасягнуць апорных пунктаў «Хезбалы» на поўдні Лівана.
Міністэрства ўнутраных справаў Сірыі пацвердзіла, што памежныя сілы бяспекі поўнасцю гатовыя да барацьбы з любымі кантрабанднымі аперацыямі праз сірыйска-ліванскую мяжу.
Міністэрства падкрэсліла, што ягоныя каманды застаюцца ў стане павышанай гатоўнасці, каб супрацьстаяць незаконнаму звароту зброі і наркотыкаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
